Եղանակը 5-8 աստիճանով կտաքանա
13.10.2025
24 ժամ ջուր չի լինի Էրեբունի վարչական շրջանի մի շարք հասցեներում
14.10.2025
Եվրասիական տնտեսական հանձնաժողովի կոլեգիան հոկտեմբերի 7-ին ընդունել է Եվրասիական տնտեսական միության երկրներում գյուղատնտեսական բույսերի տեսակների ազգային գրանցամատյանների ձևավորման և վարման միասնականացված մոտեցումների մասին հանձնարարականը:
Փաստաթուղթն ընդունվել է անդամ պետությունների ղեկավարների որոշմանը համապատասխան և ուղղված է ԵԱՏՄ երկրների գյուղատնտեսական բույսերի տեսակների փորձարկման ոլորտի օրենսդրության միասնականացմանը:
«Միության երկրների լիազոր մարմինների կողմից ազգային գրանցամատյաններից տրամադրվող տեղեկությունների միատեսակությունը թույլ կտա ապահովել տեսակների միասնական գրանցամատյանի կոռեկտ գործունեություն և ԵԱՏՄ շրջանակներում գյուղմթերք արտադրողների իրազեկումը բույսերի լավագույն և իրենց որակով առավել արժեքավոր տեսակների մասին՝ ագրարային արտադրությունում դրանց ներդրման համար», — նշել է ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը:
Համաձայն ԵԱՏՄ շրջանակներում գյուղատնտեսական բույսերի սերմերի շրջանառության մասին համաձայնագրի 4-րդ հոդվածի՝ Հանձնաժողովը ձևավորում է գյուղատնտեսական բույսերի տեսակների միասնական գրանցամատյան Միության շրջանակներում դրանց սերմերի շրջանառության հետ կապված գործունեության տեղեկատվական ապահովման համար:
