Սննդամթերքի անվտանգության տեսչական մարմինը տեղեկացնում է, որ ՍԱՏՄ տեսուչների հսկողությամբ ոչնչացվել է «Nestle» ընկերության «NAN» ապրանքանիշի մանկական սննդի` Հայաստան ներկրված որոշ խմբաքանակ։

Ոչնչացման պատճառն այն է, որ, Ռուսաստանի Դաշնությունից ստացված լաբորատոր փորձաքննության արդյունքների համաձայն, մանկական սննդի չոր, արագ լուծվող կաթնային և կաթնաթթվային խառնուրդների խմբաքանակներում հայտնաբերվել է վտանգավոր տոքսինի հնարավոր առկայության ռիսկ։

m

Իրականացված վերահսկողության արդյունքում որոշում է կայացվել սահմանված կարգով ոչնչացնել մոտ 9700 կգ ընդհանուր քաշով խմբաքանակը` պահպանելով անվտանգության բոլոր կանոնները։

Սննդամթերքի անվտանգության տեսչական մարմինը, առաջնային համարելով հանրային առողջությունը, շարունակում է վերահսկողական միջոցառումներ իրականացնել թե ներկրվող, թե տեղական արտադրության պարենային մթերքի շուկայում` ապահովելով սպառողի համար անվտանգ սննդամթերք։

։

։

Տես նաև՝

• «NAN» մանկական կաթնախառնուրդի որոշ խմբաքանակներ հետ են կանչվել

• Վտանգավոր «NAN» մանկական կաթնախառնուրդ Հայաստան չի ներմուծվել

• Վտանգավոր մանրէ «NAN» մանկական կաթնախառնուրդում. խմբաքանակը հետ է կանչվել