Սննդամթերքի անվտանգության տեսչական մարմինը տեղեկացնում է, որ ՍԱՏՄ Երևանի կենտրոնի տեսուչների կողմից իրականացված ստուգման արդյունքում սանիտարահիգիենկ բնույթի խախտումներ են հայտնաբերվել «Բրենդլիդեր» Հ/Ձ ՍՊԸ-ին պատկանող կիսֆաբրիկատների, հրուշակեղենի և լավաշի արտադրամասում (Երևան, Նուբարաշեն):

Մասնավորապես՝

• արտադրական շինության հատակներն ունեցել են վնասված հատվածներ, ինչը թույլ չի տվել իրականացնել պատշաճ լվացման ու ախտահանման աշխատանքներ,
• առաստաղները չեն բացառել կեղտի կուտակումը, բորբոսի առաջացումը, մասնիկների թափվելու հնարավորությունը, խոնավության խտացումը,
• պատերի մակերևույթները պատրաստված չեն եղել անջրանցիկ, լվացվող, ախտահանվող նյութերից, առկա են եղել բորբոսի հետքեր,
• սննդամթերքի հետ անմիջական շփման մեջ գտնվող սարքավորումները չեն պահվել նորոգ ու բարվոք վիճակում, ունեցել են կոռոզիայի հետքեր։

Տեսչական մարմնի ղեկավարի որոշմամբ՝ արտադրամասի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար:

Հիշեցնենք, որ նույն ընկերության մեկ այլ հասցեում գործող արտադրամասում նույնպես հայտնաբերվել էին սանիտարահիգիենիկ նորմերի խախտումներ այս տարվա մայիսի 30-ին։

Նշենք, որ «ԲրենդԼիդեր» ՀՁ ՍՊԸ -ն լայն սպառման ապրանքների ներմուծմամբ զբաղվող մասնագիտացած ընկերություն է և հանդիսանում է Ինտերմիլկ ՀՁ ՍՊԸ իրավահաջորդը, որը հիմադրվել է 2002 թ. նոյեմբերի 15-ին:

Գործունեության սկզբնական շրջանում ընկերությունը Հայաստանում ներկայացնում էր (Ehrmann) ապրանքանիշը, 2003 թ. ավելացել է նաև Hochland-ը: 

Այժմ ընկերությունը մի շարք հայտնի ապրանքանիշերի ներկայացուցիչն է Հայաստանում, որոնցից են «Hochland»-ը, «Nestle»-ն «Ehrmann»-ը, «Միրատորգը», «Ռոլտոնը» և այլն։