Մարտի 22-ին նյութ էինք հրապարակել, որտեղ ներկայացրել էինք, որ ֆեյսբուքի մեր «Անվտանգ սնունդ»  խմբում Ռուզաննա Մանգասարյանը երեկ ահազանգել էր, որ «Երևան Սիթի» սուպերմարկետից գնել է «Պռոշյանի կոնյակի գործարան» ընկերության «Royal» ապրանքանիշի բադրիջանի խավիարը (արտադրման ամսաթիվը՝ 09.11.2022-10.11.2025), որում ապակի է եղել, որը վնասել է երեխային։

Նորմալ է խավիարի միջի ապակին? Երեխան ուտում է ու բերանից արյուն է գալիս։ Ես մինչե վերջ գնալու եմ «Անվտանգ սնունդ» խմբի գրառումը՝ առանց խմբագրման

Գրառմանն արձագանքել էին Սննդամթերքի անվտանգության տեսչական մարմնից՝ նշելով, որ վերահսկողություն կիրականացնեն արտադրողի մոտ։ Երեկ ՍԱՏՄ-ից մեզ հայտնել են, որ «Պռոշյանի կոնյակի գործարան» ընկերության Արմավիրի մասնաճյուղում ստուգում են իրականացրել այս ահազանգից հետո, սակայն սակայն խախտումներ չեն հայտնաբերել ։

«Ստուգման ընթացքում Royal ապրանքանիշի կարմիր պղպեղի մարինադ և բադրիջանի խավիար կատարվել է նմուշառում՝ լաբորատոր փորձաքննության նպատակով. խախտումներ չեն հայտնաբերվել»,-հայտնել են ՍԱՏՄ-ից։