Դեռևս մարտի վերջին մեր «Անվտանգ սնունդ» խմբում Էվելինա Մանուկյանն ահազանգել էր, որ «Նոր Զովքից» գնած «Իգիթ»-ի լոռի պանրում ճանճ է հայտնաբերել։
Գիտեի՞ք որ Լոռին շատ լավ հալվում է և լավ տարբերակ է ջեռեփուկների համար,մենք գիտեինք և հաճախ էինք օգտագործում, մինչև այս առավոտ երբ մեզ հյուր եկավ անսպասելին,ուղիղ պանրի միջից, տեսանյութը ՝ մեկնաբանություններում
ՀԳ.պատրաստված է ավանդական ճանճով…
Գրառումը՝ առանց խմբագրման
Է. Մանուկյանի հրապարակած տեսանյութը լայն արձագանքանք ստացավ հանրության շրջանում. ոմանք նշում էին, որ իրենց հետ էլ է պատահել նույնը, ոմանք՝ չէին հավատում, իսկ ոմանք էլ՝ կատակում էին, որ պանիրը «սպիտակուցով է»։
Խմբի ահազանգին արձագանքել էր Սննդամթերքի անվտանգության տեսչական մարմինը՝ նշելով, որ «ահազանգին ընթացք կտրվի»։
Օրերս ՍԱՏՄ-ից մեզ հայտնեցին, որ ընկերությունում ստուգում են իրականացվել։
ՀՀ Սննդամթերքի անվտանգության տեսչական մարմնի ղեկավարի հրամանով՝ ստուգում է իրականացվել «Իգիթ» ՍՊԸ-ին պատկանող կաթնամթերքի արտադրամաում. խախտումներ չեն հայտնաբերվել։
