«Խնդիրը կուսումնասիրվի, պատճառները կբացահայտվեն և գործողություններ կիրականացվեն». Dan Dessert-ն արձագանքել է ահազանգին
24.01.2025
Կենսաբանական դեղամիջոցների հետազոտությունների անցկացման կանոնները լրացվել են
30.01.2025
Եվրասիական տնտեսական հանձնաժողովի խորհուրդը հունվարի 22-ի նիստի ընթացքում հաստատել է Բժշկական կիրառման դեղամիջոցների գրանցման և փորձաքննության կանոնների փոփոխությունների փաթեթը։
Փաթեթը ներառում է այն դեղերի գրանցման կարգավորման մոտեցումներ, որոնց փաթեթի կազմում ներառված են տարբեր լրացուցիչ սարքեր, օրինակ՝ ներարկման միջոցներ, չափիչ բաժակներ ու գդալներ, դեղորայքային պատրաստուկի պատշաճ պատրաստումն ու պահպանումն ապահովող միջոցներ։
Կախված փաթեթում ներառված արտադրանքի տեսակից՝ արտադրողը գրանցման դոսյեի կազմում պարտավոր է տրամադրել արտադրանքի որակը և դեղի չափաքանակի որոշման և կիրառման ժամանակ դրա գործառույթի պատշաճ կատարումը հաստատող փաստաթղթեր: Միաժամանակ, դիմողների վրա կարգավորիչ բեռը նվազեցնելու նպատակով նման ապրանքների և սարքերի՝ որպես բժշկական արտադրատեսակների, առանձին գրանցումը պարտադիր չէ:
Փոփոխությունների փաթեթը նախատեսում է նաև դեղորայքային պատրաստուկի յուրաքանչյուր նոր դեղաձևի համար առանձին գրանցման վկայականի ձևակերպում։
