● Տաթև Խաչատրյան

Եվրասիական տնտեսական հանձնաժողովի Խորհուրդը ժամանակավոր սակագնային արտոնություն է տվել և մաքսատուրքից ազատել է հավի ձու և տնական հավի միս մատակարարելու համար՝ շուկայում իրավիճակը կայունացնելու համար։

Մասնավորապես, ԵՏՀ խորհուրդը որոշել է մաքսատուրքերից ազատել Ռուսաստան մատակարարվող հավի ձուն (ԵԱՏՄ ԱՏԳ ԱԱ 0407 21 000 0 ապրանքի կոդ):  Արտոնությունը կտրամադրվի 2024թ. հունվարի 1-ից հունիսի 30-ը՝ մինչև 1,2 միլիարդ միավորի մատակարարումների համար։

«ԱՊՀ անդամ չհանդիսացող երկրներից մատակարարումներ չեն իրականացվում 2020թ. ի վեր, ինչը պայմանավորված էր ինքնաբավության բարձր մակարդակով,-ասել է նշել է ԵՏՀ առևտրի նախարար Անդրեյ Սլեպնևը։-Սակայն այժմ, սպառողական պահանջարկի աճի և էպիզոոտիկ իրավիճակի պատճառով արտադրության նվազման ֆոնին, մենք նկատում ենք ձվի գնի նկատելի աճ»։

Էպիզոոտիկ իրավիճակ- անասնաբուժական և սանիտարական իրավիճակ որոշակի տարածքում և որոշակի ժամանակահատվածում, որը բնութագրվում է կենդանիների հիվանդությունների առկայությամբ՝ դրանց տարածման ինտենսիվության ցուցանիշներով։

Ժամանակավոր սակագնային արտոնությունը, նրա խոսքով, կապահովի մատակարարումներ՝ ներքին շուկայի հետ համեմատելի գներով։ Մատակարարումները կլինեն, մասնավորապես, Թուրքիայից և Իրանից։

«Միջոցառումն իր բնույթով կարճաժամկետ է և կօգնի զսպել սոցիալապես կարևոր ապրանքների սպառողական գների աճը ձմռանը և գարնանը, ինչպես նաև՝ խուսափել հնարավոր դեֆիցիտից», — վստահություն է հայտնել Անդրեյ Սլեպնևը:

Մաքսատուրքից ազատվել է նաև սառեցված տնական հավի միսը ( ԵԱՏՄ ԱՏԳ ԱԱ 0207 14 100 9 և 0207 14 500 9 ապրանքային կոդ), որը նախատեսված է մսամթերքի արտադրության համար։ Այս արտոնությունը կտրամադրվի ամբողջ 2024թ համար՝  մինչև 10,9 հազար տոննա դեպի Բելառուս և մինչև 140 հազար տոննա դեպի Ռուսաստան մատակարարումների համար։

«Թռչնի միսը սպառվում է բնակչության կողմից, այդ թվում՝ վերամշակված արտադրանքներում (երշիկեղեն, կիսաֆաբրիկատ մսամթերք և այլն) և չափազանց պահանջված է։ Այնուամենայնիվ, չնայած հում մսի և վերամշակված արտադրանքի արտադրության ծավալների ավելացմանը, ներքին շուկայում պահպանվում է չբավարարված պահանջարկը»,- ​​ասել է ԵՏՀ առևտրի նախարար Անդրեյ Սլեպնևը։

Նրա խոսքով՝ ներմուծման խթանումը, ինչին միտված է որոշումը, կօգնի հավասարակշռել հավի մսի ներքին շուկան և կարճաժամկետ հեռանկարում կապահովի առաջարկի աճ։

«Միջոցառումը ժամանակավոր է. զուգահեռաբար ԵԱՏՄ երկրների կառավարությունները քայլեր կձեռնարկեն հավի մսի արտադրության ծավալների ավելացման ուղղությամբ»,- ընդգծել է Ա. Սլեպնևը։

Սակագնային արտոնությունները կտրամադրվեն լիազոր մարմնի կողմից ներմուծվող ապրանքների նպատակային նշանակության հաստատման դեպքում: