Մաքսատուրքից կազատվեն հավի միս և ձու դեպի Ռուսաստան և հավի միս դեպի Բելառուս մատակարարները
19.12.2023
Վերացվել է հանրային սննդի օբյեկտի և ընդեղենի մածուկների արտադրամասի գործունեության կասեցումը
22.12.2023
Սննդամթերքի անվտանգության տեսչական մարմինը տեղեկացնում է, որ արագ արձագանքման բաժնի տեսուչներն անհատ ձեռնարկատեր Վիտալի Առուստամյանին պատկանող հանրային սննդի օբյեկտի ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (ք. Երևան, Դավթաշեն թաղամաս)։
Մասնավորապես՝
- հանրային սննդի օբյեկտը կառուցված ու տեղակայված չի եղել այնպես, որ հնարավոր լինի կատարել ախտահանում, բացառվի կամ նվազագույնի հասցվի օդից փոխանցվող աղտոտումը,
- ապահովված չի եղել բնական և (կամ) արհեստական օդափոխության, ձեռքերի լվացման համար նախատեսված պայմաններով,
- կառույցի պատերը և աշխատանքային մակերևույթները չեն ունեցել հարթ մակերես, չեն գտնվել նորոգ վիճակում և հնարավոր չի եղել կատարել դրանց պատշաճ մաքրումն ու ախտահանումը,
- սարքավորումները և պարագաները չեն եղել հիգիենայի պահանջները բավարարող նյութերից և չեն պահվել նորոգ վիճակում։
Հանրային սննդի օբյեկտի գործունեությունը կասեցվել է, սահմանվել է ժամկետ հայտնաբերված խախտումները վերացնելու համար։
