Սննդամթերքի անվտանգության տեսչական մարմինը տեղեկացնում է, որ Ֆլորա Մանուկյանին պատկանող կաթնամթերքի արտադրամասում իրականացրած կրկնակի ստուգայցի ընթացքում ՍԱՏՄ Երևանի կենտրոնի տեսուչները խախտումներ չեն հայտնաբերել (ք․ Երևան, Մալաթիա-Սեբաստիա): 

ՍԱՏՄ ղեկավարի որոշմամբ՝ կաթնամթերքի արտադրամասի արտադրական գործունեության կասեցումը վերացվել է։

Հիշեցնենք, որ սեպտեմբերի սկզբին ՍԱՏՄ-ն սանիտարահիգիենիկ նորմերի խախտումներ էր հայտնաբերել։ Ապա արտադրամասում առկա արտադրանքից կատարվել էր նմուշառում և տրվել լաբորատոր փորձաքննության:

Արդյունքում՝ «Սուլուգունի պանիր «Ոսկեպար»» արտադրատեսակը՝ «ԱՑԽՄ» և «ախտածին մանրէներ, այդ թվում՝ սալմոնելաներ» ցուցանիշներով չէին համապատասխանել Մաքսային Միության տեխնիկական կանոնակարգով սահմանված նորմերին: