Սննդամթերքի անվտանգության տեսչական մարմինը տեղեկացնում է, որ անհատ ձեռնարկատեր Ֆլորա Մանուկյանին պատկանող կաթնամթերքի արտադրամասում ՍԱՏՄ Երևանի կենտրոնի տեսուչներն ստուգում են իրականացրել և հայտնաբերել են սանիտարահիգիենիկ նորմերի խախտումներ։

Մասնավորապես՝

• արտադրական շինությունների նախագծումը, դրանց կառուցվածքը, դասավորվածությունը և չափսը չեն բացառել պարենային հումքի և սննդամթերքի, աղտոտված և մաքուր գույքի հանդիպակաց կամ խաչաձևվող հոսքերը, 
• արտադրական շինությունների հատակի, պատերի մակերևույթները պատված չեն եղել անջրանցիկ, հեշտորեն լվացվող, ախտահանվող նյութերով,
• չափաբաժանված կաթնամթերքի փաթեթավորման գործընթացները չեն կատարվել սննդամթերքի աղտոտումը բացառող պայմաններում՝ չապահովելով այդ արտադրանքի անվտանգությունը:

Արտադրամասում առկա արտադրանքից կատարվել է նմուշառում և տրվել լաբորատոր փորձաքննության: Արդյունքում՝ «Սուլուգունի պանիր «Ոսկեպար»» արտադրատեսակը՝ «ԱՑԽՄ» և «ախտածին մանրէներ, այդ թվում՝ սալմոնելաներ» ցուցանիշներով չի համապատասխանել Մաքսային Միության տեխնիկական կանոնակարգով սահմանված նորմերին: 

Արտադրամասի արտադրական գործունեությունը կասեցվել է, սահմանվել է խախտումները վերացնելու ժամկետ: