Կազանում քննարկվել են դեղագործական շուկաներում մրցակցության ապահովման հարցերը
23.03.2025
Եղանակը կտաքանա 11-14 աստիճանով
24.03.2025Հավանություն է տրվել ԵԱՏՄ-ում օրգանական արտադրության, կաթի ու մսի շուկաների զարգացման համաձայնագրերի նախագծերին
Մարտի 17-ին Մոսկվայում՝ Եվրասիական տնտեսական հանձնաժողովի կենտրոնակայանում, Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանի նախագահությամբ կայացել է Ագրոարդյունաբերական համալիրի հարցերով խորհրդատվական կոմիտեի նիստը:
Նիստի մասնակիցները հավանություն են տվել Եվրասիական տնտեսական միության շրջանակներում արտադրանքը օրգանական ճանաչելու կարգի մասին համաձայնագրի նախագծին։ Փաստաթուղթն ուղղված է Միությունում նման արտադրանքի ազատ տեղաշարժի համար պայմանների ապահովմանը։ Անդամ պետություններում ներպետական համաձայնեցման արդյունքների հիման վրա լրամշակված փաստաթուղթը կներկայացվի Եվրասիական տնտեսական միության մարմինների քննարկմանը։
Խորհրդատվական կոմիտեի նիստում հավանության է արժանացել նաև ԵՏՀ կոլեգիայի «Միության անդամ պետություններում գյուղատնտեսական արտադրանքի վերամշակման զարգացմանը պետական աջակցության միջոցների մասին» հանձնարարականի նախագիծը։ Փաստաթուղթը պարունակում է առաջարկներ խթանող և կարգավորիչ բնույթի միջոցների վերաբերյալ, որոնք ուղղված են գյուղատնտեսական արտադրանքի վերամշակման զարգացմանը՝ ազգային պետական ագրարային քաղաքականությանը համահունչ։
Գյուղատնտեսական զգայուն ապրանքների մասով տարվող աշխատանքների շրջանակներում հավանության են արժանացել ԵԱՏՄ երկրներում կաթի և կաթնամթերքի շուկայի, խոշոր եղջերավոր անասունների մսի արտադրության, ինչպես նաև խոզի մսի շուկայի կայուն զարգացման միջոցների վերաբերյալ ԵՏՀ կոլեգիայի հանձնարարականների նախագծերը:
«Հանձնարարականների իրականացումը թույլ կտա բարձրացնել անասնաբուծության ոլորտների գործունեության արդյունավետությունը, ներառյալ գենետիկական նյութից, հումքից, արտադրության միջոցներից ներմուծման կախվածության նվազեցումը, կնպաստի արտադրված արտադրանքի արտահանման ներուժի աճին և կապահովի դրա մրցունակությունը», — նշել է Գոհար Բարսեղյանը։
