Եղանակը կտաքանա 2-3 աստիճանով, սպասվում է առանց տեղումների եղանակ
27.10.2025
36 ժամ ջուր չի լինի Արաբկիր, Կենտրոն և Էրեբունի վարչական շրջաններում
28.10.2025«ԳՈՒՄ»-ի և այլ շուկաներից առգրավվել և ոչնչացվել է 810 կգ ոչ սպանդանոցային ծագման միս
Սննդամթերքի անվտանգության տեսչական մարմինը տեղեկացնում է, որ շարունակում է վերահսկողական միջոցառումները միս-մսեղիքի իրացման օբյեկտներում։
Երևանի Խորենացի փողոցում գտնվող (ԳՈՒՄ-ի շուկա), ինչպես նաև մայրաքաղաքի մի շարք այլ վաճառակետերում իրականացվող աշխատանքներին հետևել է նաև Տեսչական մարմնի ղեկավար Տիգրան Պետրոսյանը։
Մշտադիտարկման ընթացքում ստուգվել են՝
- մսի սպանդանոցային ծագումը հավաստող փաստաթղթի՝ 5-րդ ձևի, առկայությունը,
- պահման և վաճառքի սանիտարահիգիենիկ պայմանները,
- մսամթերքի պահման համար սահմանված ջերմաստիճանային ռեժիմների պահպանումը։
Տիգրան Պետրոսյանը զրուցել է տնտեսավարողների հետ՝ ընդգծելով, որ «վերահսկողական միջոցառումները շարունակական են լինելու, զիջումներ չեն լինելու. ոչ սպանդանոցային ծագման միսը ենթակա է առգրավման և ոչնչացման»։
Կազմակերպվել է առգրավված գրեթե 810 կգ ոչ սպանդանոցային ծագման միս-մսեղիքի ոչնչացման գործընթացը, ինչն իրականացվել է տեսուչների հսկմամբ:
«Տեսչական մարմինը շարունակելու է վերահսկողությունը՝ ապահովելու իրավական պահանջի կատարումը և պաշտպանելու սպառողի առողջությունը»,-նշված է հաղորդագրության մեջ։
