Ֆեյսբուքի մեր «Անվտանգ սնունդ»  խմբում Անգելինա Թովմասյանը ահազանգել էր, որ Երևանի Օհանով 26/9 հասցեում գտնվող «Երևան Սիթի» սուպերմարկետից գնել է «Dan Dessert» («Դան Դեսերտ») ընկերության «Մուլեն Ռուժ» տորթ՝ հունիսի 11-ի արտադրության, որի բալերի վրա բորբոս է եղել։

«Անակնկալի համար էր ու ցավոք սրտի ժամանակ չունեինք ետ տանելու, քանի որ բավականին հեռու էինք գտնվում տվյալ վայրից։ Ստիպված եղանք վերևի շերտը հեռացնել և նոր ուտել։ Ամեն դեպքում ճիշտ եմ գտնում էստեղ գրել այս մասին, որպեսզի խուսափեք նման դեպքերից(որքան էլ, որ անվանի է Դան Դեսսերտը միևնունն է իրենց մոտ նույնպես բացթողումներ լինում են)»,-նշել է նա խմբում։

Ահազանգին արձագանքել էին Սննդամթերքի անվտանգության տեսչական մարմնից՝ նշելով, որ «ահազանգին ընթացք կտրվի»։

«Դան Դեսերտ» ընկերությունն էլ ներողություն էր խնդրել Ա. Թովմասյանից՝ նշելով, որ կուսումնասիրեն հանգամանքները, և մեղավորները պատասխանատվություն կկրեն։

«Հայցում ենք Ձեր ներողամտությունը տհաճ միջադեպի համար, վստահեցնում ենք, որ ընկերության կողմից կուսումնասիրվեն ու կպարզվեն հանգամանքները և պատասխանատվութան կենթարկվեն մեղավորները։

Մեր համապատասխան մասնագետը կապ կհաստատի Ձեր հետ։

Շնորհակալ ենք հրապարակման համար»։

«Դան Դեսերտ»