● Արամ Սահակյան

Եվրասիական տնտեսական հանձնաժողովի (ԵՏՀ) կոլեգիան, ԵԱՏՄ-ում համաձայնեցված ագրոարդյունաբերական քաղաքականության իրականացման շրջանակում, ընդունել է մի շարք առաջարկություններ՝ խոզի մսի, խոշոր եղջերավոր անասունների մսի, ինչպես նաև կաթի և կաթնամթերքի շուկայի զարգացման վերաբերյալ։ Դրանք պատրաստվել են ԵԱՏՄ անդամ պետությունների ագրոսննդային հատվածի համապատասխան ոլորտների վերջին չորս տարիների վերլուծական ուսումնասիրությունների հիման վրա։

Ըստ հանձնաժողովի՝ այս փաստաթղթերի կիրառումը կնպաստի ընտրասերման և տոհմաբուծական աշխատանքի նյութատեխնիկական բազայի կատարելագործմանը, խոզերի, ինչպես նաև՝ մսատու և կաթնատու կովերի արտադրողականության հաշվառմանը, ժամանակակից, այդ թվում՝ գենոմային ընտրասերման տեխնոլոգիաների ներդրմանը։

Առաջարկությունները կնպաստեն ԵԱՏՄ շուկայների միջև համագործակցությանը՝ օգտագործելով գիտական, տեխնիկական և նորարարական ներուժը, ինչպես նաև՝ բարձրացնելով մրցունակությունն ու արտահանման ներուժը։

«Առաջարկվող միջոցառումների փաթեթի իրականացումը թույլ կտա իրականացնել արտադրության կառուցվածքային և տեխնոլոգիական արդիականացում, բարձրացնել ճյուղերի արդյունավետությունն ու մրցունակությունը ինչպես ներքին, այնպես էլ արտաքին շուկաներում, և կնպաստի ԵԱՏՄ պետությունների պարենային անվտանգության ապահովմանը», – ընդգծել է ԵՏՀ արդյունաբերության և ագրոարդյունաբերության նախարար Գոհար Բարսեղյանը։

Հիշեցնենք, որ վերջերս ԵԱՏՄ-ում քննարկել են կենդանիների տոհմային արժեքի կանխատեսման տեխնոլոգիայի օգտագործումը։

Քննարկել են գյուղատնտեսական կենդանիների տոհմային արժեքի կանխատեսման տեխնոլոգիայի օգտագործումը (այդ թվում՝ հիմնված գենոմային վերլուծության վրա) ընդլայնելու ուղղությամբ միջպետական փոխգործակցության կարևորագույն ուղղություններն ու մեխանիզմները։

Գենոմային ընտրասերման եվրասիական համակարգի հայեցակարգերն ու մոդելները, որոնք առաջարկվել են բանախոսների կողմից և ստացել քննարկման մասնակիցների հավանությունը, ինչպես նաև `համատեղ ընտրասերման և գենետիկական հետազոտությունների անցկացման և փորձի փոխանակման մոտեցումները կարող են իրականացվել տոհմանին անասնաբուծության ոլորտի իրավասության եվրասիական կենտրոնների հիման վրա ընտրասերման և տոհմային աշխատանքների համակարգման և վերլուծական ապահովման շրջանակներում։