Հուլիսի 22-ին  «Անվտանգ սնունդ» մեր խմբում Իրինա Պողոսյանն ահազանգել էր, որ «Երևան սիթի» սուպերմատկետից գնել է «Սանտա Բրեմոր» («Санта Бремор») ձուկը (պիտանելիության ժամկետը՝ 05.06.2024-03.10.2024), որը եղել է փչացած։

«Արդեն որերորդ անգամ գնում եմ «Սիթիից» փաթեթավորված ձուկ ու մեջը փչացած է լինում, նեխած հոտ է գալիս, ժամկետի մեջ, գույնից էլ երևի երևում է, որ թարմ չէ»։

Ահազանգին արձագանքել էին Սննդամթերքի անվտանգության տեսչական մարմնից՝ հայտնելով, որ ընթացք կտան։

Երեկ արդեն ՍԱՏՄ Իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարթյունյանը հայտնեց, որ ահազանգի հիման վրա ձկները լաբորատոր փորձաքննության են ենթարկվել ու ճանաչվել են վտանգավոր։ Այժմ նաև վերահսկողություն է սկսվել ներմուծողի մոտ։

Հարգելի Իրինա, Ձեր ահազանգով իրականացված վերահսկողության արդյունքում ձուկը ենթարկվել է լաբորատոր փորձաքննության և ճանաչվել վտանգավոր: Խանութում առկա ողջ խմբաքանակը ոչնչացվել է:

Հետագծելիությամբ վերահսկողություն է սկսվել ներմուծողի մոտ:

Նշենք, որ ապրանքը Հայաստան է ներմուծում «ԼԴԼ» ՍՊԸ-ն։