ԱՆ «Հիվանդությունների վերահսկման և կանխարգելման ազգային կենտրոնը» տեղեկացնում է, որ Եվրոպական առողջապահական մարմինները զգուշացրել են, որ 2025թ.ի տաք ջերմաստիճանով պայմանավորված՝ կարող է գրանցվել մոծակների միջոցով փոխանցվող հիվանդությունների աճ. ամենամեծ մտահոգությունն առաջացնում է Արևմտյան Նեղոսի տենդը:

«Չնայած սրան, Հայաստանի Հանրապետությունում այս հիվանդությունների առումով համաճարակային իրավիճակը կայուն է։ 2025թ․-ին՝ մինչ այս պահը, արձանագրվել է Արևմտյան Նեղոսի լաբորատոր հաստատված 2 դեպք»,-հայտնել է ՀՎԿԱԿ-ը

ՀՎԿԱԿ-ը հիշեցնում է՝ մոծակներով փոխանցվող հիվանդություններով վարակվելուց խուսափելու համար անհրաժեշտ է.

• կրել փակ հագուստ անտառապուրակային գոտիներ և ջրային տարածքներ այցելելիս
• օգտագործել միջատավանիչ հատուկ միջոցներ և սարքեր
• օգտագործել հակամիջատային ցանցեր

Արևմտյան Նեղոսի տենդը (ԱՆՏ, West Nile Fever) սուր վարակիչ հիվանդություն է, որը փոխանցվում է մոծակների խայթոցով․ վիրուսն շրջանառվում է հիմնականում թռչունների և մոծակների միջև, իսկ մարդիկ «պատահական» վարակի կրողներ են։ Վարակվածների մոտ մոտավորապես 80%-ը որևէ նշան չի ունենում, իսկ մոտ 20%-ի դեպքում զարգանում է գռիպանման հիվանդություն, որը սովորաբար ինքնուրույն անցնում է։ Մարդկանց շատ փոքր մասն (քիչ քան ~1%) ունենում է ծանր՝ նյարդահամակարգային ձևեր (ենցեֆալիտ, մենինգիտ)։

Հիմնական ախտանիշներն են՝ ջերմություն, գլխացավ, մկանացավ/մարմնական ցավեր, հոդացավ, սրտխառնոց կամ փսխում, երբեմն՝ լուծ, ուժեղ հոգնածություն, որը կարող է տևել շաբաթներ։

Ծանր դեպքերում հնարավոր են բարձր ջերմություն, վզի կարկամություն, շփոթվածություն, ցնցումներ, մկանային թուլություն և կաթվածները, ինչը հիմնականում հանդիպում է տարեցների կամ խոցելի առողջական վիճակ ունեցողների մոտ։