Սպասվում է մինչև 41°C` առանց տեղումների
04.08.2025
«Բիոկաթի» մածունում աղիքային ցուպիկ է հայտնաբերվել
07.08.2025
● Արամ Սահակյան
2025 թվականի օգոստոսի 1-ին Եվրասիական տնտեսական հանձնաժողովի խորհրդի նիստում ընդունվել են «Քիմիական արտադրանքի անվտանգության մասին» Միության տեխնիկական կանոնակարգին (ՄՄ ՏԿ 041/2017) կից «երկրորդ մակարդակի» երկու փաստաթուղթ՝
- ԵԱՏՄ-ի քիմիական նյութերի և խառնուրդների միասնական գրանցամատյանի ձևավորման և վարման կարգը,
- Եվրասիական տնտեսական հանձնաժողովի և ԵԱՏՄ անդամ պետությունների կողմից համատեղ մշակված՝ նոր քիմիական նյութերի հայտագրման կարգը։
ԵՏՀ խորհրդի որոշման նպատակն է՝ ապահովել ԵԱՏՄ տեխնիկական կանոնակարգի (ԵԱՏՄ ՏԿ 041/2017) դրույթների կատարումը։
Ներկայացված կարգերը նախատեսում են ԵԱՏՄ տարածքում շրջանառվող քիմիական արտադրանքի միասնական գրանցամատյանի ստեղծում և նոր քիմիական նյութերի հայտագրման ընթացակարգերի միատեսականացում։
Նշվում է, որ սա թույլ կտա շուկայի մասնակիցներին ժամանակին ստանալ թարմ տեղեկություններ քիմիական արտադրանքի վերաբերյալ։
Բացի այդ, նման միասնական մոտեցումը կնպաստի ֆինանսական և ժամանակային ծախսերի նվազեցմանը՝ ներառյալ համապատասխանության գնահատման փաստաթղթերի, օրինակ՝ քիմիական արտադրանքի անվտանգության անձնագրերի նախապատրաստման գործընթացը։
Այս կարգերի ընդունումը նաև տեխնիկական կանոնակարգի ուժի մեջ մտնելու պայմաններից մեկն է։
Միասնական գրանցամատյանը նախատեսվում է ձևավորել ԵԱՏՄ ինտեգրված տեղեկատվական համակարգի միջոցով, ինչը ենթադրում է ԵԱՏՄ-ի շրջանակներում համապատասխան գործընթացների իրականացում։
