Երեկ ֆեյսբուքի մեր՝ «Անվտանգ սնունդ» խմբի անդամներից Շուշանիկ Կարապետյանը գրառում էր արել, որտեղ դժգոհում էր «Աշտարակ կաթ» ապրանքանիշի թթվասերից. նա նշում էր, որ ժամկետի մեջ եղած (08.01.23-17.01.23) ապրանքի վրա բորբոսներ կան։

Էս վերջերս շահումներն անպակաս են: Այսօրվա թթվասեր, Աշտարակ կաթ, գնել եմ Աճառյան փողոցի մթերայինից:

Աշտարակ կաթ / Аштарак Кат կարո՞ղ եք բացատրել :

Գրառման մեկնաբանություններում Սյուզի Խաչատրյանը նշել էր, որ «Աշտարակ կաթի» թթվասերում ինքն էլ է «նույն տեսարանին ականատես եղել», որոշ օգտատերեր նույնպես դժգոհել էին ապրանքից։ 

Գրառման արձագանքել էր «Աշտարակ կաթ» ապրանքանիշը՝ ներողություն խնդրելով սպառողից և նշելով, որ նման դեպքեր կարող են լինել, երբ խախտվում է ջերմային ռեժիմը կամ թիթեղյա կափարիչների վնասված լինելու պատճառով տարայի մեջ օդ է անցնում։

«Ցավոք, այդպիսի դեպքերը անխուսափելի են։ Անկախ հանգամանքից, թե ինչպես է առաջացել տվյալ խնդիրը «Աշտարակ կաթ»ը ևս մեկ անգամ հայցում է Ձեր ներողամտությունը՝ պատճառված անհարմարության և տհաճ միջադեպի համար»,-նշել էր ընկերությունը։

Շուշանիկ Կարապետյանը, սակայն, չէր համաձայնվել ընկերության պարզաբանման հետ՝ նշելով, որ «կաթնամթերքը չի կարող բորոբոսնել ժամկետի սկզբում. «Եթե, իհարկե, դուք չեք պահել ձեր սառնարաններում 8 օր, անյուհետոև հանել ժամկետի պիտակ կպցրել և ուղարկել շուկա»,-հայտնել էր նա։

Շուշանիկ Կարապետյանի ահազանգին արձագանգել էին նաև Սննդամթերքի անվտանգության տեսչական մարմնից՝ խնդրելով նշել խանութի հասցեն, որտեղից որ գնվել է ապրանքը՝ բողոքին ընթացք տալու և հարցն ուսումնասիրելու համար։