24 ժամ ջուր չի լինի Գեղարքունիքի մարզի որոշ բնակավայրերում
01.08.2025
Սպասվում է մինչև 41°C` առանց տեղումների
04.08.2025Սպառողն ահազանգում է՝ կտրտած երշիկեղենի ժամկետը փոխում են. ՍԱՏՄ-ն ստուգում կիրականացնի
Այսօր մեր «Անվտանգ սնունդ» ֆեյսբուքյան խմբում օգտատեր Արամ Օհանյանն ահազանգել էր, որ «Երևան Սիթի» սուպերմարկետի ցանցում նկատել է, որ կտրտած երշիկը վերափաթեթավորվում է և նոր ժամկետ է փակցվում։
«Лёгким движением руки элегантные ….. նախորդ օրվանից մնացած կտրած երշիկեղենը վերածվում է հենց այս առավոտ կտրած, փաթեթավորած երշիկեղենի` պիտանելիության մշտական 3 օրյա ժամկետով))
Նա նշել էր, որ քանի որ պիտակն ամեն օր թարմացվում է, ըստ պիտակի, ստացվում է, որ ապրանքն ամեն օր էլ միայն նախորդ օրվանն է, իսկ իրականում՝ «երբ վերջանան նախորդ օրերի կտրածները»։
«Աննորմալ է, երբ փոխում, կեղծում են կտրման, փաթեթավորման օրը, հետևաբար՝ պիտանելիության ժամկետը»,-հայտնել էր Ա. Օհանյանը։
Ահազանգին արձագանքել էին Սննդամթերքի անվտանգության տեսչական մարմնից, ճշտել խանութի հասցեն՝ նշելով, որ ստուգայց կկատարեն։
«Նորություն չի)))) միայն երշիկը չի, նաև պանիրը ու բոլոր էն մթերքները, որոնք նախապես կշռվում կտրատվում են….», «»-նշել էին մեկնաբանություններում
4 Comments
Ախր գոնե կարդացեք ինչ է գրել «սպառող Արամ Օհանյանը», հասկացեք դա, կամայականորեն մի ձևափոխեք դա և ներկայացրեք ոչ այնպես ինչպես գրված է եղել։
Շնորհակալ ենք մեկնաբանության համար։ Ըստ Ձեզ՝ ինչն է «ներկայացված ոչ այնպես, ինչպես գրված է եղել» և ինչն է «կամայականորեն ձևափոխված»։
1) Արամ Օհանյանը չէր նշել որ խանութն է
2) «Նյութում» խառնել եք բուն գրառումն ու դրա տակի մեկնաբանությունները և դրանց պատասխաններըէ ներակայացնելով դրանք, որպես «հայտնել, նշել»։
3) «…ստացվում է, որ միշտ միայն մախորդ օրվանն է…», կոնտեկստտից դուրս է և չի հասկացվում, այն մեկնաբամության պատասխան էր և նշանակում էր, որ ստացվում է, թե փոխում են միայն նախորդ օրվա կտրտածը, սակայն դա միանշանակ չէ, քանի որ նախորդ օրվա ամսաթվով կտրտվածը բացառված չէ, որ լինի ավելի շուտ օրվա կտրտած` այսինքն ոչ թե միայն մեկ օրվա կտրտածն է թարմացվում, այլ չի բացառվում որ շատ ավոծի հինը։
Խառնելով այս ամենը «նյութը» որոշակի առումով հեռու է բնօրինակ գրառման բուն նյութից, իսկ մեկնաբանություններին պատասխանները խառնելն առաջացնում է ոչ միանշանակ պատկերացում և տեղ է տալիս թերմեկմաբանությունների և տարընթերցումների։
Շնորհակալ ենք պատասխանի համար։
1. Արամ Օհանյանի հրապարակած լուսանկարներից մեկում խանութի անունը հստակ երևում է, հետևաբար, նյութում չի հրապարակվել ավելին, քան արդեն հանրայինացվել էր (օրինակ, խանութի հասցեն, ինչը կարող էինք հրապարակել)։
2. Գրառման մեկնաբանությունները լրացնում են նյութի բովանդակությունը։ Եթե որևէ մեկը մեկնաբանել է, նա կարծիք է հայտնել, հետևաբար, «հայտնել» բառը որևէ կերպ չի խեղաթյուրում ասվածի իմաստը։
3. Այո, դա եղել է «Ու ոչ մեկի չգիտի, նախորդ օրվանն են թե՞…» մեկնաբանության պատասխանը («քանի որ պիտակն ամեն օր թարմացվում է, ըստ պիտակի ստացվում է ամեն օր էլ միայն նախորդ օրվանն է, իսկ իրականում, երբ վերջանան նախորդ օրերի կտրածները»), սակայն բովանդակային առումով այն չի փոխում և աղավաղում հիմնական միտքը, որ, ըստ Արամ Օհանյանի, «պիտակներն ամեն օր թարմացվում են»։ Իսկ նախորդ օրվա են, թե ավելի հին, դա միայն ենթադրություն է, որի հստակ պատասխանը ՍԱՏՄ-ն կարող է տալ։