Վերացվել է Երևան-Սևան մայրուղու վրա գործող սննդի օբյեկտի գործունեության կասեցումը
08.11.2023
Արգելվել է 48 տոննա թռչնամսի ներկրումը Բրազիլիայից
09.11.2023ՍԱՏՄ ղեկավարի տեղակալը հանդիպել է ձուկ-ձկնամթերքի արտահանմամբ զբաղվող գործարարների հետ
ՍԱՏՄ-ն տեղեկացնում է, որ ձկան արտահանման ոլորտում առկա խնդիրների քննարկման նպատակով՝ ՀՀ սննդամթերքի անվտանգության տեսչական մարմին էին հրավիրվել համապատասխան գործունեությամբ զբաղվող ընկերությունների ներկայացուցիչները:
Քննարկվել են ձկան արտահանման գործընթացներին ու փաստաթղթաշրջանառությանը, մասնավորապես՝ նմուշառման անասնաբուժական ենթահսկման բեռների համար տրվող ձև 8 համապատասխանության տեղեկանքի տրամադրման գործընթացին, հանգստյան օրերին արտահանման կազմակերպմանն վերաբերող և այլ հարցեր։
Շեշտելով, որ ձկնարդյունաբերությունն այսօր Հայաստանի տնտեսության կայացած ճյուղերից է, Տեսչական մարմնի ղեկավարի տեղակալ Վահագն Հարությունյանը վստահեցրել է՝ Տեսչական մարմինը, որպես ոլորտը կարգավորող կառույց, անում է առավելագույնը արտահանման գործընթացը տնտեսավարողների համար հնարավորինս արագ ու անխոչընոտ կազմակերպելու համար:
Ձուկ-ձկնամթերք արտահանող գործարարները խոսել են արտահանման ժամանակ առաջացող այն խնդիրների մասին, որոնց լուծման համար ակնկալվում է պետական միջամտությունը՝ նաև արձանագրելով ՍԱՏՄ սահմանային տեսուչների պատշաճ, օրենսդրությանը համապատասխան աշխատանքն ու աջակցելու պատրաստակամությունը:
