Սպասվում է ձյուն, բուք, ցածր տեսանելիություն
19.01.2026
Սեզոնային գրիպ. որն է տարածված Հայաստանում, ովքեր են ռիսկի խմբում ու ինչպես խուսափել
24.01.2026
anvtangnsnund.am կայքի առաջարկով՝ Սննդամթերքի անվտանգության տեսչական մարմի հետ համատեղ իրականացել էինք ԵԱՏՄ և երրորդ երկրներից ներմուծված և սահմանային հսկողության չենթարկված (չփորձաքննված) արտադրանքների լաբորատոր փորձաքննություն։
Լաբորատոր փորձաքննության ներկայացված կաթնամթերքի 12 նմուշից 5-ում խախտում էր հայտնաբերվել, և ՍԱՏՄ-ն վերահսկողություն էր սկսել խախտումներ ունեցող ներմուծողների մոտ։
Այսօր ՍԱՏՄ-ից հայտնեցին, որ ՍԱՏՄ պետի հրամանի համաձայն՝ հունվարի 22-ից ժամանակավորապես արգելվում է «Վերշկովիյ ռայ» (Вершковий рай) ապրանքանիշի «Գոլլանդեց» (Голландец) սպիտակուցաճարպային մթերքի ներմուծումը Հայաստանի Հանրապետություն և տեղափոխումը (արտադրող՝ ԱԲԸ «Խմելնիցկայա մասլոսիրբազա» (Хмельницка маслосирбаза) Ուկրաինա, ներմուծող՝ «Մեգա Ֆուդ» ՍՊԸ (արտադրված 01․10․2025թ, պիտանիության ժամկետը՝ 30․03․2026թ)):
Համաձայն հրամանի՝ ««Գոլլանդեց» (Голландец) սպիտակուցաճարպային մթերք» արտադրանքի այլ խմբաքանակներից կկատարվի նմուշառում և կներկայացվի լաբորատոր փորձաքննության «աղիքային ցուպիկի խմբի մանրէներ» (ԱՑԽՄ) և «կաթնայուղի զանգվածային մաս» ցուցանիշներով:
Հրամանը չի գործում մինչև հունվարի 22-ն արտահանված, տեղափոխված ապրանքների ներմուծման և տեղափոխման նկատմամբ։
