Մեր «Անվտանգ սնունդ» ֆեյսբուքյան խմբում  երեկ՝ ապրիլի 7-ին, Ռիմա Տիգրանյանն ահազանգելէր, որ «ANI Product»-ի հունական յոգուրտում մազ է հայտնաբերել։

«Մազը ի՞նչ գործ ունի հունական յոգուրտում»,-նշել էր նա։

Ընկերության մարքեթինգի ղեկավար Արտակ Հարությունյանն արձագանքել էր ահազանգին, ներողություն խնդրել՝ նշելով, որ  նման դեպք հնարավոր է «շատ բացառիկ ու անկանխատեսելի դեպքում»։

Ընկերության պատասխանն ամբողջությամբ՝ ստորև.  

։

։

Ցանկանում ենք, ամեն դեպքում, իմ ու մեր ողջ թիմի անունից ներողություն խնդրել իրավիճակի համար: Շատ ցավում եմ, որ նման անհասկանալի իրավիճակ է ստացվել, քանի որ կաթնամթերքի արտադրության ողջ պրոցեսը` կաթի մերելուց մինչ տարաների լցոնումը, փակ պրոցես է և ոչ մի մարդկային մասնակցություն չկա: 

Հետևաբար, դժվար եմ պատկերացնում, թե ինչպես է այն հայտնվել: Ամեն դեպքում, խնդրի մասին տեղյակ է ղեկավարությունը, ամեն դեպքում, այս պահին մեր արտադրամասում արտադրության ղեկավարի գլխավորությամբ փորձում ենք հասկանալ հնարավոր դեպքերը: Քանի որ հանրային եք գրել, նաև հանրային արձագանքեմ, որ ցանկանում եմ ինչ-որ կերպ «փոխհատուցել» անհարմար իրավիճակի համար, ուստի շնորհակալ կլինեմ, եթե անձնական նանամակով գրեք Ձեր հեռախոսահամարը:

Ընկերությունը չի խուսափում սեփական սխալներից: Ես բոլորից, հարգելի սպառողից` Ռիմայից, ում հետ դեպքը տեղի է ունեցել, և ընդհանրապես մեր բոլոր սպառողներից ներողություն եմ հայցում անհարմարության և «վատ փորձառության համար»: 

Այո’, սա անթույլատրելի է: Այո, մենք տեղյակ ենք և շնորհակալ ենք, որ նման դեպքերի մասին մեզ տեղեկացնում ենք: Ի գիտություն նշեմ, որ կաթնամթերքի արտադրությունը ընդհանրապես փակ պրոցես է և տարաները լցվում և մերվում են փակ, ծածկված տարաներով, քանի որ ճնշման տակ են ու բարձր, եռմանը մոտ ջերմաստիճաններում: Ուստի, նման դեպք հնարավոր է՝ շատ բացառիկ ու անկանխատեսելի դեպքում, հնարավոր է՝ տարայի մեջ է եղել չարաբաստիկ «նվերը»:

Չխորանալով էության մեջ՝ ասեմ, որ նույնիսկ այս «հնարավոր թույլատրելի դեպքը» ոտքի է հանել ողջ գործարանի արտադրական ու վերահսկողական թիմին և առ այս պահը արտադրամասում տարբեր խորհրդակցություններ և դեպքերի բացառման սիմուլյացիաներ են արվում` հետագայում նման դեպքերը բացառելու համար:

Հիմա գլխավորին անդրադառնամ: Ես չեմ պնդում, որ բոլոր դեպքերը նույնն են, սակայն ինձ զարմացնում է մեկնաբանություններ գրողների մոտեցումը: 

Հարգելիներս, մենք արտադրում ենք կաթնամթերք, որը ես անձամբ և իմ ընտանիքը ամեն օր օգտագործում է, որը գնում են հազարավոր մեր սպառողներ: 

Կարծում եմ՝ հեգնանքը ու չարախնդությունը տեղ չունի մեր կյանքում: 

Մենք իսկապես շատ շնորհակալ ենք այս խմբի անդամներից և բոլոր սթափ մտածող մարդկանցից, ովքեր իրենց աչալրջությամբ ամեն օր մեզ ավելի լավն են դարձնում: 

Լավ երեկո եմ մաղթում բոլորիդ:

Լավ տրամադրություն և համեղ ուտելիքներ: