Ոսկեգույն ստաֆիլակոկ «Արզնի կաթնամթերքի» թթվասերում
05.05.2025
24 ժամ ջուր չի լինի Էրեբունի վարչական շրջանի որոշ հատվածներում
07.05.2025Ճշգրիտ հողագործությունից մինչև թվային վկայականներ․ ԵԱՏՄ գյուղատնտեսության նոր ռազմավարությունը
Եվրասիական տնտեսական հանձնաժողովի կենտրոնակայանում անցկացվել է կլոր սեղան, որը նվիրված էր Եվրասիական տնտեսական միության շրջանակներում ագրոարդյունաբերական համալիրում թվային տնտեսության զարգացման հարցերին։ Կլոր սեղանին մասնակցել են ԵԱՏՄ երկրների գյուղատնտեսության նախարարությունների, բիզնեսի ներկայացուցիչներ, միջազգային փորձագետներ։
ԵՏՀ ագրոարդյունաբերական քաղաքականության վարչության տնօրեն Նաիրա Կարապետյանը խոսել է ԵԱՏՄ ինտեգրված տեղեկատվական համակարգի շրջանակներում թվային էկոհամակարգի ձևավորման մասին՝ անդրադառնալով գյուղատնտեսական բույսերի տեսակների, տոհմային կենդանիների և սելեկցիոն նվաճումների, ինչպես նաև ագրոարդյունաբերության ինտերակտիվ քարտեզի վերաբերյալ տվյալների փոխանակման հարցերին։
«2026 թվականի հունիսի 1-ից կսկսվի Գյուղատնտեսական արտադրանքի պահեստային վկայականների թողարկման (տրամադրման), շրջանառության և մարման կանոնների մասին համաձայնագրի գործնական իրականացումը, ինչը նոր խթան կհաղորդի գյուղամթերքի էլեկտրոնային առևտրի զարգացմանը», — կլոր սեղանի մասնակիցներին տեղեկացրել է Նաիրա Կարապետյանը։
Կլոր սեղանի մասնակիցները ներկայացրել են բուսաբուծության և անասնաբուծության ոլորտում թվային լուծումների ներդրման իրենց փորձը, ներառյալ ճշգրիտ հողագործության տեխնոլոգիաները, ֆերմաների ավտոմատացումը և այլն։
Միջոցառումը վերահաստատել է ԵԱՏՄ ագրոարդյունաբերական համալիրի թվային վերափոխման կարևորությունը և տնտեսության տվյալ հատվածի մրցունակության բարձրացման նպատակով արդյունավետ էկոհամակարգի ստեղծման համար անդամ պետությունների համատեղ ջանքերի անհրաժեշտությունը։
