Սննդամթերքի անվտանգության տեսչական մարմինը տեղեկացնում է, որ սննդամթերքի անվտանգության վարչության տեսուչները ստուգում են իրականացրել «Հին Ապարան» ՍՊԸ-ին պատկանող կաթնամթերքի արտադրամասում (Կոտայքի մարզ, Նաիրի համայնք), որի ընթացքում կատարել են ապրանքնատեսակների նմուշառում և հանձնել լաբորատոր հետազոտության:

Ըստ լաբորատոր փորձաքննության արդյունքների՝ «Թթվասեր 20%» (արտադրված՝ 02․07․2025), «Կաթնաշոռ 18%» (արտադրված՝ 01․07․2025 թ) արտադրատեսակների նմուշները «ԱՑԽՄ»՝ աղիքային ցուպիկի խմբի մանրէներ և «Կաթնային յուղի ճարպաթթուների մեթիլ եթերների հարաբերակցությունը՝ պալմիտինաթթու (C16:0), լաուրինաթթու (C12:0), ստեարինաթթու (C18:0), լաուրինաթթու (C12:0), օլեինաթթու (C18:1), միրիստինաթթու (C14:0), լինոլաթթու (C18:2), միրիստինաթթու (C14:0), օլեինաթթվի և լինոլաթթվի գումար հարաբերությունը լաուրինաթթվի, միրիստինաթթվի, պալմիտինաթթվի և ստեարինաթթվի գումարին» ցուցանիշներով։

ԲԱՑԱՏՐՈՒՄ ԵՆՔ՜

Սա նշանակում է, որ կա կասկած, որ կաթնային յուղը՝ կենդանական ծագման փոխարեն, կարող է մասամբ կամ ամբողջությամբ փոխարինված լինել բուսական յուղով։ Այդ փորձաքննությունն իրականացվում է ճարպաթթուների մեթիլ եթերների միջոցով, որոնց հարաբերակցությունը հստակ տարբերվում է բուսական և կենդանական յուղերում։

Եթե հարաբերակցությունը շեղվում է նորմայից, նշանակում է, որ մթերքում առկա է ոչ թույլատրված քանակությամբ բուսական յուղ, ինչը կարող է նվազեցնել որակը, խաբել սպառողին և վնասել առողջությանը, քանի որ ապրանքն այն չէ, ինչ մակնշված է. կեղծված է։

Սա հակասում է ՄՄ ՏԿ №033/2013 «Կաթի և կաթնամթերքի անվտանգության մասին» տեխնիկական կանոնակարգի պահանջներին, ըստ որի՝ չի թույլատրվում կաթնամթերքի կեղծումը, այդ թվում՝ կաթնային յուղի փոխարինումը ոչ կաթնային (բուսական) ծագման յուղերով։

«Աղաջրային կաթ պարունակող մթերք կաթնայուղի փոխարինիչով «Չանախ»»  (արտադրված՝ 17․06․2025թ․) արտադրատեսակը «ԱՑԽՄ» ցուցանիշով չեն համապատասխանել կանոնակարգերով սահմանված պահանջներին։

Հիշեցնենք, որ ավելի վաղ կասեցվել էր վերոնշյալ արտադրամասին պատկանող «Կարագ 82,5%» արտադրատեսակի նմուշը  «ՄԱՖԱնՄՔ»՝ մեզոֆիլ աէրոբ և ֆակուլտատիվ անաէրոբ մանրէներ ցուցանիշով, որի կրկնակի վերահսկողության ընթացքում պարզվել է, որ խախտումները չի վերացվել։

Կաթնամթերքի արտադրամասի արտադրական գործունեության առանձին գործառույթը կասեցվել է։

Սահմանվել է ժամկետ խախտումները վերացնելու համար։

Տրվել է խմբաքանակի իրացումն արգելելու, շուկայից հետ կանչելու, ոչնչացնելու կամ օգտահանելու մասին կարգադրագիր: