«Ծիածան» մանկապարտեզում սանիտարահիգիենիկ նորմերի խախտումներ են հայտնաբերվել
21.03.2024
Սանիտարահիգիենիկ նորմերի խախտում. Լոռիում կասեցվել է պանրի արտադրամասի գործունեությունը
22.03.2024ԱՆ փոխնախարարը Քեյթ Նյութոնին ներկայացրել է հանրային առողջապահության ոլորտում ԱՆ նպատակները
Առողջապահության նախարարի առաջին տեղակալ Լենա Նանուշյանն ընդունել է ՄԱԿ-ի Պարենի համաշխարհային ծրագրի (ՊՀԾ) Մերձավոր Արևելքի, Հյուսիսային Աֆրիկայի և Արևելյան Եվրոպայի տարածաշրջանային տնօրենի տեղակալ Քեյթ Նյութոնին: Այս մասին տեղեկացնում է Առողջապահության նախարարությունը։
«Բնակչության առողջ սնուցման ուղղությամբ կայուն ծրագրերի ներդրումը Առողջապահության նախարարության և Պարենի համաշխարհային ծրագրի համագործակցության օրակարգում է»։
Առողջապահության նախարարություն
Քննարկվել է համագործակցության արդյունքներին և հաջորդ փուլում` ՊՀԾ ռազմավարական պլանին: Լենա Նանուշյանը ներկայացրել է հանրային առողջապահության ոլորտում ԱՆ նպատակները` շեշտելով կանխարգելիչ ծրագրերն ընդլայնելու անհրաժեշտությունը:
Անդրադարձ է եղել ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցմանը և կանխարգելմանն ուղղված աշխատանքներին: Փոխադարձ կարևորվել է առողջ ապրելակերպի ընտրությանն ուղղված արշավների իրականացումը հանրապետության ամբողջ տարածքում` ՊՀԾ աջակցությամբ:
Քեյթ Նյութոնն ընդգծել է հաջորդիվ բնակչության առողջ սնուցման ուղղությամբ համատեղ կայուն ծրագրերի ներդրումը: Նախարարի տեղակալը բարձր է գնահատել ծրագրի աջակցությունը` նշելով, որ գերատեսչությունը բաց է բնակչության առողջ սնուցմանը, ֆիզիկական ակտիվության խթանմանն ուղղված նախաձեռնությունների համար:
