Օգոստոսի 1-ից պարտադիր է լինելու գրել ապրանքի մեկ միավորի գինը
16.07.2025
anvtangsnund.am-ի հրապարակման հիման վրա պետական վերահսկողություն կիրականցվի թուրքական «Efsun form» ապրանքը ներմուծողի մոտ
18.07.2025
Շոգի և ջրասպառման ծավալների կտրուկ աճի հետևանքով Երևանում և հարակից մի շարք համայնքներում վերջերս ջրամատակարարման խափանումներ են եղել։
«Վեոլիա ջուր» ընկերությունը հայտարարությամբ է հանդես եկել՝ նշելով խափանումների պատճառներն ու հավաստիացնելով, որ իրավիճակը ժամանակավոր է։
Ստորև ներկայացնում ենք ընկերության հայտարարությունն ամբողջությամբ։
Վերջին օրերին հանրապետությունում գրանցված աննախադեպ բարձր ջերմաստիճանով, ինչպես նաև ջրասպառման պիկով պայմանավորված՝ Երևանի որոշ հատվածներում նկատվում են ջրամատակարարման գրաֆիկի խախտումներ: Առավել խոցելի են հատկապես Նոր Նորք վարչական շրջանի 3-րդ, 6-րդ, 7-րդ, 9-րդ զանգվածները, Նոր Մարաշ, Քանաքեռ-Զեյթուն վարչական շրջանների որոշակի հատվածներ, Ջրվեժ գյուղը:
Խնդիրն այն է, որ այս օրերին կտրուկ ավելացել են ջրի սպառման ծավալները, խմելու ջուրը ոռոգման նպատակով օգտագործելու դեպքերը, ինչը համընկել է ջրաղբյուրների ջրատվության նվազման հետ:
Նշենք, որ վերը նշված վարչական շրջանները սնվում են բացառապես «Կաթնաղբյուր» ջրատարներից և տեղանքի առանձնահատկություններից ելնելով, տեխնիկապես անհնար է ջուր մղել այս տարածքներ այլ աղբյուրներից:
Հավատացնում ենք, որ «Վեոլիա Ջուրը» գիտակցում է ստեղծված իրավիճակի լրջությունն ու ողջ պատասխանատվությունը: Թիմն աշխատում է շուրջօրյա, ամենօրյա աշխատանք է տանում ջրակորուստները կանխելու և այդ ջրաքանակը ևս համակարգ ներգրավելու համար: Ամեն մարդ իր տեղում է, մոբիլիզացվել են բոլոր ռեսուրսները, աղբյուրներից, պատկերավոր ասած, քամվում է ամբողջ ջրաքանակը:
Հայցում ենք Ձեր ներողամտությունը և հավատացնում, որ ստեղծված իրավիճակը ժամանակավոր է և արվում է հնարավոր ամեն ինչ նշված տարածքներում Փջրամատակարարումը հնարավորինս շուտ կարգավորելու համար:
