● Տաթև Խաչատրյան

Եվրասիական տնտեսական հանձնաժողովի խորհուրդը օգոստոսի 29-ի նիստում որոշել է փոփոխություններ կատարել ՄՄ ՏԿ 029/2012՝ «Սննդային հավելումների, բուրավետիչների և տեխնոլոգիական օժանդակ նյութերի անվտանգության պահանջները» տեխնիկական կանոնակարգում։

Մասնավորապես, դրանք վերաբերում են սննդային հավելումներին ներկայացվող որոշ պահանջներին, ինչպես նաև՝ մսամթերքում ֆոսֆորաթթվի և սննդի ֆոսֆատների պարունակությանը:

Փոփոխությունները մշակել է Ղազախստանի Առողջապահության նախարարությունը՝ ԵԱՏՄ օրենսդրությանը համապատասխան։ 

Այն համապարփակ փաստաթուղթ է, որով նախատեսվում է տեխնկանոնակարգի 5 բաժինների և դրան կից 29 հավելվածների թարմացում, այդ թվում՝ սահմանվում է սննդամթերքի համար թույլատրված սննդային հավելումների, բուրավետիչների համար թույլատրված համաբուրավետային հավելումների ցանկը։

Փոփոխություններով, մասնավորապես՝

• արդիականությունը կորցրած 19 սննդային հավելումներ դուրս կգան ցանկից, ցանկից, կավելանան նոր 6 հավելում.
• կընդլայնվեն ֆերմենտային պատրաստուկների (ֆերմենտային բնույթի նյութեր, որոնք հատուկ ձևով պատրաստվում և օգտագործվում են որպես դեղամիջոց, հեղ.) և բուրավետիչ նյութերի ցանկը
• առանձին ​​սննդային հավելումների կիրառման շրջանակի ճշգրտում և պարենային ապրանքախմբերի անվանումների խմբագրում՝ հաշվի առնելով ժամանակակից անվանակարգը։

ԵՏՀ Խորհրդի որոշումն ուժի կմտնի պաշտոնական հրապարակման օրվանից 180 օրացուցային օր հետո։ 

Նոր պահանջներին սահուն անցնումն ապահովելու համար Հանձնաժողովի կոլեգիան մշակել է նաև նախագիծ այս փոփոխություններն ուժի մեջ դնելու կարգի մասին, որով նախատեսում է 18 ամիս անցումային փուլ նոր պահանջներին և 36 ամիս՝ պիտակավորման նոր պահանջներին անցնելու  համար։

Փաստաթուղթը կվերանայվի և կընդունվի սահմանված կարգով։

Լուսանկարը՝ cmtscience.ru-ի