● Տաթև Խաչատրյան

Գյուղմթերքի գինը ԵԱՏՄ երկրներում 2023թ. հուլիսին 2022թ դեկտեմբեր ամսվա համեմատ նվազել է 3,4%-ով, բուսաբուծության արտադրանքինը՝ 7,2%-ով, անասնաբուծական ապրանքներինը՝ 1%-ով։

8 ամսում՝ 2022թ դեկտեմբերի համեմատ 2023թ. հուլիսին, գյուղմթերք արտադրողների գների նվազում է ամենաշատը գրանցվել Հայաստանում՝ 22.7%։

Մեկ տարում՝ 2022թ հուլիսին 2023թ հուլիսի համեմատ Հայաստանում գյուղմթերքն էժանացել է 11,7%-ով։

Հայաստանին հաջորդում է Ռուսաստանը՝ 6%, ապա՝ Ղազախստանը՝ 4.2%, հետո Ղրղզստանը՝ 1,6%։ Իսկ Բելառուսում, ընդհակառակը, գրանցվել է գյուղմթերքի գների աճ 3%-ով։

Ըստ ցուցանիշների՝ Հայաստանը ԵԱՏՄ միակ երկիրն է, որտեղ 2023թ.ի հուլիսին նախորդ տարվա նույն ժամանակահատվածի համեմատ նվազել են թե’ բուսաբուծական, թե’ անասնաբուծական ապրանքների գները։

Բուսաբուծական ապրանքների ամենաշատ գների նվազում ԵԱՏՄ երկրներում գրանցվել է Ռուսաստանում՝ 18,4%, որին հենց հաջորդում է Հայաստանը՝ 15,8%, ապա՝ Ղրղզստանը՝ 9% և Ղազախստանը՝ 7,5%։  Բելառուսում, ընդհակառակը, բուսաբուծական ապրանքները թանկացել են 1%-ով։

Անասնաբուծական ապրանքներն էժանացել են միայն Հայաստանում՝ 8,2%-ով։ Մնացած բոլոր երկրներում դրանք թանկացել են 2,5%-7%-ով։ Մասնավորապես՝ Ռուսաստանում՝ 2,5%-ով, Բելառուսում՝ 3,6%-ով, Ղազախստանում 6%-ով, Ղրղզստանում՝ 6,7%-ով։