Սննդամթերքի անվտանգության տեսչական մարմինը հայտնում է, որ Երևանի կենտրոնի տեսուչները ստուգում են իրականացրել «Կեյտերինբուրգ սերվիս» ՍՊԸ-ին պատկանող հանրային սննդի օբյեկտում, որի ընթացքում առկա սննդամթերքից կատարվել է նմուշառում և ներկայացվել լաբորատոր փորձաքննության (Արմավիրի մարզ):

Արդյունքում՝ «Ցեզար» աղցան արտադրատեսակը՝ ԱՑԽՄ, E.coli, բորբոսասնկեր, «Բուրգեր» վետչինայով և պանրով արտադրատեսակը՝ ՄԱՖԱնՄՔ, ԱՑԽՄ, E.coli, «Բուրգեր» պանրով և հավով արտադրատեսակը՝ ԱՑԽՄ, E.coli, S. aureus, տաք ուտեստ խոզով և կարտոֆիլով արտադրատեսակը՝ ՄԱՖԱնՄՔ, ԱՑԽՄ, տաք ուտեստ հավով և մակարոնով արտադրատեսակը՝ ՄԱՖԱնՄՔ, S. Aureus, տաք ուտեստ տավարով և բրնձով արտադրատեսակը՝ ՄԱՖԱնՄՔ, ԱՑԽՄ, խոզի շաուրմա արտադրատեսակը՝ ՄԱՖԱնՄՔ, ԱՑԽՄ, E.coli, S. aureus ցուցանիշներով չեն համապատասխանել Մաքսային միության տեխնիկական կանոնակարգերի պահանջներին։

Նշենք, որ «Կեյտերինբուրգ սերվիս» ընկերությունն իրականացնում է սննդի մատակարարման գործառույթներ Հայաստանի օդանավակայաններից չվերթեր իրականացնող տեղական և օտարերկրյա ավիաընկերություններին։

Տեսչական մարմնի ղեկավարի որոշմամբ` «Կեյտերինբուրգ սերվիս» ՍՊԸ-ի արտադրական գործունեությունը կասեցվել է մինչև հայտնաբերված խախտումները վերացնելը:

Լուսանկարը՝ © Depositphotos.com / eungchopan