24 ժամ ջուր չի լինի Դավթաշեն վարչական շրջանում և Կոտայքի մարզում
01.05.2024
24 ժամ ջուր չի լինի Երևանի որոշ բնակավայրերում
15.05.2024Ջրի համի փոփոխություն Երևանի և Մասիսի որոշ բնակավայրերում. «Վեոլիա ջուրը» պարզաբանում է
Վերջերս մեր ընթերցողներից ահազանգում էին, որ նկատել են ջրի համային փոփոխություններ Երևանի Մալաթիա-Սեբաստիա և Էրեբունի վարչական շրջանների ծորակի ջրում և ցանկանում էին հասկանալ՝ որն է պատճառը։
Հնարավո՞ր է ճշտել, թե ինչու՞ է փոխվել Էրեբունի համայնքի ջուրը։ Համը անտանելի է և, նույնիսկ երկար հոսելուց հետո գրեթե չի սառում«Անվտանգ սնունդ» խմբից
Օրերս «Վեոլիա Ջուր» ընկերությունը հայտարարություն է տարածել, որտեղ պարզաբանում է, որ ջրի համի, հոտի (զգայորոշական և ֆիզիկաքիմիական հատկանիշների) փոփոխության պատճառն այն է, որ ջրի պահանջն ամռան ամիսներին մեծանում է, Գառնու, Արզականի աղբյուրների ջուրը չի բավարարում, և Երևանի որոշ վարչական շրջանների (Մալաթիա-Սեբաստիա, Էրեբունի և Շենգավիթ) և Մասիսի որոշ բնակավայրերի ջրամատակարարումն իրականացվում է Արարատյան խորքային հորերից։
Ընկերության պարզաբանումն ամբողջությամբ ներկայացնում ենք ստորև.
««Վեոլիա Ջուր» ընկերությունը տեղեկացնում է, որ տարիներ շարունակ Արարատի մարզի Մասիսի տարածաշրջանի որոշ բնակավայրերում ջրամատակարարումն իրականացվել է բացառապես Արարատյան խորքային հորերից, որոնք ի սկզբանե նախատեսված են եղել տվյալ տարածքի ջրամատակարարումն ապահովելու համար:
2017 թ.-ի հունվարից «Վեոլիա Ջուր» ՓԲԸ-ն, ստանձնելով ՀՀ ամբողջ տարածքի ջրամատակարարումը, որոշակի տեխնիկական լուծումներ տալով, փորձել է բարելավել տվյալ և հարակից տարածքների ջրամատակարարումը և սկսել է այստեղ իրականացնել ջրամատակարարում Գառնու, Արզականի աղբյուրներից, որոնք իրենց զգայորոշական ցուցանիշներով տարբերվում են խորքային հորերի ջրերի որակական ցուցանիշներից:
Սակայն ամռան ամիսներին շոգ եղանակի և ջրապահանջի ծավալների աճով պայմանավորված՝ մեծանում է ջրասպառումը, և Գառնու, Արզականի աղբյուրների ջուրը պարզապես չի բավարարում տվյալ տարածքի ջրամատակարարումն ապահովելու համար, ուստի Մասիսի տարածաշրջանի որոշ բնակավայրերում, ինչպես նաև Երևան քաղաքի Մալաթիա-Սեբաստիա, Էրեբունի և Շենգավիթ վարչական շրջանների որոշ հատվածներում ջրամատակարարումն իրականացվում է Արարատյան խորքային հորերից:
Վերջինս իր զգայորոշական և ֆիզիկաքիմիական հատկություններով զիջում է լեռնային աղբյուրների ջրերին, սակայն այնուամենայնիվ, համապատասխանում է սանիտարական նորմերիին:
Ամռան վերջին, ջրասպառման ծավալների կրճատմանը զուգահեռ, նորից անցում է կատարվում Գառնու, Արզականի ջրաղբյուրներով ջրամատակարարմանը:
Տեղեկացնում ենք նաև, որ այս ժամանակահատվածում ևս առաջին իսկ հնարավորության դեպքում Արարատյան ջրաղբյուրին պարբերաբար ավելացվում են Գառնու և Արզականի աղբյուրների ջրերը:
«Վեոլիա Ջուր» ՓԲԸ-ի համար խմելու ջրի որակն առաջնային խնդիրներ է, և հնարավոր ամեն քայլ ձեռնարկվում է այն ՀՀ-ում գործող սանիտարական նորմերին և պահանջներին համապատասխան պահելու համար»,-նշված է հայտարարության մեջ։
