Dan Dessert-ի արքայախնձորով տորթում ՄԱՖԱՄ է հայտնաբերվել. արտադրատեսակի արտադրությունը կասեցվել է
25.02.2025
Սպասվում է ձյուն. եղանակը կտաքանա 10-13 աստիճանով
03.03.2025
Փետրվարի 21-ի նիստում Եվրասիական տնտեսական հանձնաժողովի խորհուրդը հաստատել է Դեղամիջոցի բժշկական կիրառման հրահանգին և բժշկական կիրառման դեղամիջոցի ընդհանուր բնութագրին ներկայացվող պահանջների նոր խմբագրումը:
Հիմնական փոփոխությունները վերաբերել են բժշկական կիրառման հրահանգի ձևաչափին (ներդիր թերթիկին). հանվել են մի շարք չօգտագործվող բաժիններ, ինչը սպառողների համար դյուրացնում է տեղեկատվության տրամադրումը:
Փոփոխություններ են կատարվել նաև Պահանջներում, որոնք վերաբերում են նախկինում գրանցված դեղամիջոցների համար օգտատիրական փորձարկում կատարելու անհրաժեշտության վերացմանը:
Օգտատիրական փորձարկումը (User Testing) դեղագործության մեջ նշանակում է դեղերի օգտագործման հրահանգների փորձարկում՝ պարզելու, թե որքան հասկանալի և կիրառելի են դրանք հիվանդների և բուժաշխատողների համար։
Այս գործընթացում կամավորները կարդում են հրահանգը, փորձում հասկանալ դրա բովանդակությունը և պատշաճորեն կիրառել այն։ Եթե պարզվում է, որ հրահանգները դժվար են ընկալման համար, դրանք խմբագրվում են՝ դարձնելով ավելի հստակ և հասանելի։
ԵԱՏՄ-ում կատարված փոփոխությունները հնարավորություն են տալիս նախկինում գրանցված դեղերի համար այս փուլը չանցնել, ինչը դյուրացնում է դրանց մուտքը շուկա։
Սա կդյուրացնի դրանց մուտքը միութենական շուկա և դեղարտադրողներին թույլ կտա նվազեցնել ԵԱՏՄ պահանջներին համապատասխան գրանցման դոսյեների նախապատրաստման ծախսերը:
