Առողջապահական և աշխատանքի տեսչական մարմինը տեղեկացնում է, որ, հիմք ընդունելով «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ի կողմից 2026 թվականի մարտի 16-ին ստացված թիվ 01/1422-26 գրությունը և կից փորձաքննության եզրակացությունը, «Տոնուս-Լես» ՍՊ, «Ալֆա–Ֆարմ Իմպորտ» ՓԲ, «Նատալի Ֆարմ» ՍՊ, «Էսկուլապ-Իմպորտ» ՍՊ և «Թեոֆարմա Իմպորտ» ՍՊ ընկերություններին 2026 թվականի մարտի 17-ին տրվել է երկաթ-դեֆիցիտային անեմիայի բուժման համար նախատեսված «Ֆերետաբ քոմպ (երկաթի ֆումարատ, ֆոլաթթու), դեղապատիճներ կոշտ, 152,1մգ+0,5մգ (100/10×10/) բլիստերում» դեղի՝

F02490 (պիտանելիության ժամկետ՝ 31.05.2026թ),
G08684 (պիտանելիության ժամկետ՝ 30.06.2026թ․),
G08683 (պիտանելիության ժամկետ՝ 31.07.2026թ․),
G08033 (պիտանելիության ժամկետ՝ 31.07.2027թ․),
H10279 (պիտանելիության ժամկետ՝ 30.09.2027թ․),
H01931 (պիտանելիության ժամկետ՝ 30.09.2027թ․),
F02491 (պիտանելիության ժամկետ՝ 31.07.2027թ․)

սերիաների շրջանառության դադարեցման և հետկանչի կարգադրագիր։

Գրանցման հավաստագրի իրավատեր՝ «Ացինո Ֆարմա ԱԳ» ընկերության տեղեկատվության համաձայն՝ վերոնշյալ դեղի թվարկված սերիաների նմուշների լաբորատորային հետազոտությունների ժամանակ հայտնաբերված երկաթի քանակական պարունակության՝ սպեցիֆիկացիայի սահմաններին չհամապատասխանող արդյունքի պատճառով, ենթակա է շրջանառության դադարեցման և հետկանչի։

«Հարգելի´ քաղաքացիներ, քանի որ առկա է դեղի հետկանչի ենթակա թերություն՝ խնդրում ենք ուշադիր լինել և խուսափել վերոնշյալ սերիաներով դեղի օգտագործումից»,- նշում է ԱԱՏՄ-ն։