​​Սննդամթերքի անվտանգության տեսչական մարմինը տեղեկացնում է, որ ՍԱՏՄ ղեկավարի որոշմամբ՝ «Էվրի Դեյ» ՓԲ ընկերությանը պատկանող խմելու ջրի արտադրամասի արտադրական գործունեության կասեցումը վերացվել է (Վայոց ձորի մարզ, ք․ Ջերմուկ):

Որոշումը կայացվել է Տեսչական մարմնի Վայոց ձորի մարզային կենտրոնի տեսուչների արձանագրումների հիման վրա, համաձայն որոնց խմելու ջրի այս արտադրամասում իրականացված կրկնակի ստուգումները փաստել են նախկինում հայտնաբերված սանիտարահիգիենիկ նորմերի խախտումների ամբողջական շտկման մասին։

Հիշեցնենք, որ փետրվարի 20-ին ՍԱՏՄ-ն հայտնել էր, որ Վայոց ձորի «Էվրի Դեյ» ՓԲԸ-ին պատկանող խմելու ջրի արտադրամասում վերահսկողական միջոցառման ընթացքում հայտնաբերել են սանիտարահիգիենիկ նորմերի խախտումներ։ Ինչից հետո արտադրամասի արտադրական գործունեությունը կասեցվել էր։

Նշենք, որ «Էվրի դեյ» ընկերությունը «Բյուրեղ» ջրերի մատակարարն է, «Մաքուր ջուր» և «Ջուրջուր» ապրանքանիշերի սեփականատերը, «Տուտտո Կապսուլե» («Tutto Capsule»), պաշտոնական ներկայացուցիչը Հայաստանում։