Վանաձորում կասեցվել է սպանդանոցի գործունեությունը
16.02.2026
Կեղծված կաթնամթերք. խախտում «Արզնի» ընկերության արտադրանքում
18.02.2026Անվճար ինսուլին և գլյուկոզի չափման սարքեր. ընդլայնվել է շաքարային դիաբետ ունեցողների աջակցությունը
Առողջապահության նախարարությունը մեկնարկում է ծրագիր, ըստ որի՝ 29-40 տարիքային խմբում հաշվառված ինսուլինակախյալ շահառուները ևս կստանան 2 տեսակի ինսուլինային անալոգներ, ասեղներ, ինչպես նաև արյան մեջ գլյուկոզի որոշման սարքեր. յուրաքանչյուր եռամսյակ 150 թեստ-երիզների: Այս մասին տեղեկացնում է նախարարության մամուլի ծառայությունը։
«Մեզ հաջողվել է նաև 29-ից 40 տարեկան ինսուլինակախյալ մեր քաղաքացիների համար անվճար հասանելի դարձնել ինսուլինային անալոգները, ասեղները, ինչպես նաև արյան մեջ գլյուկոզի որոշման սարքերը»,- շաքարային դիաբետ ունեցող քաղաքացիների և նրանց ծնողների հետ հանդիպմանը հայտարարել է Առողջապահության նախարար Անահիտ Ավանեսյանը:
Հանդիպմանը քննարկվել է նաև դեղապահովման հարցը, խոսվել առողջության համընդհանուր ապահովագրության շրջանակում ավելի շատ բուժծառայությունների հասանելիության մասին:
Շահառուներն ու նրանց հարազատները բարձր են գնահատել շաքարային դիաբետ ունեցող երեխաների ու մեծահասակների համար պետական ծրագրերի վերջին տարիների շարունակական ընդլայնումը, վստահեցրել, որ պետական այս մոտեցման շնորհիվ վերջին տարիներին նկատելիորեն բարելավվել է իրենց կյանքի որակը:
Շուրջ երկու ամիս առաջ էլ գլյուկոզի շարունակական մոնիտորինգի ժամանակակից համակարգեր է տրամադրվել երեխաներին ու դեռահասներին:
