2025 թվականի ապրիլից հետո էլ Եվրասիական տնտեսական միությունում կշարունակի գործել մաքսային տարանցման ժամանակ ապահովման հավաստագրերի ձևակերպման նախկին կարգը։ 

Այս կարգը նախատեսված է Մաքսային տարանցման մաքսային ընթացակարգին համապատասխան փոխադրվող ապրանքների նկատմամբ մաքսատուրքերի, հարկերի վճարման ապահովման որոշակի տրամադրման որոշակի հարցերի, մաքսատուրքերի, հարկերի գանձման առանձնահատկությունների և այդ ապրանքների նկատմամբ գանձված գումարների փոխանցման կարգի մասին 2010 թվականի մայիսի 21-ի համաձայնագրով:

Մաքսային տարանցման ապահովման համակարգն պահովում է ապրանքների մաքսային վճարների, տուրքերի ու հարկերի գանձումը, երբ ապրանքները տեղափոխվում են ԵԱՏՄ անդամ պետություններից մեկից մյուսը: Այն նախատեսում է ապահովման հավաստագրերի օգտագործում, որոնք երաշխավորում են, որ մաքսային վճարները կամ ծախսերը կգանձվեն ըստ սահմանված կարգի:

Այս համակարգը հնարավորություն է տալիս վերահսկելու ապրանքների շարժը ԵԱՏՄ-ում՝ ապահովելով, որ մաքսային գանձումները իրականացվեն՝ ըստ միջազգային պայմանավորվածությունների և համաձայնագրերի:

Համաձայնագիրը կիրառվելու է մինչև ԵԱՏՄ շրջանակներում ընդհանուր գործընթացի իրականացման սկիզբը, որը կապահովի Միության անդամ պետությունների մաքսային մարմինների միջև ապահովման հավաստագրերի և դրանցում առկա տեղեկությունների փոխանակումը։ Այս դրույթն ամրագրված է ԵԱՏՄ մաքսային օրենսգրքի 444-րդ հոդվածում։

ԵՏՀ 2023 թվականի հոկտեմբերի 24-ի N 151 որոշումը, որն ուժի մեջ է մտնում 2025 թվականի ապրիլի 1-ից, կսկսի կիրառվել նշված ընդհանուր գործընթացի իրականացման մեկնարկից հետո։