Երեկ ուշ երեկոյան վթարվել է Ծաղկաձոր քաղաքը սնող 300 մմ-ոց  պողպատե ջրագիծը՝ վայրկյանում 50 լիտր ջրի կորստով: Այս մասին տեղեկացնում է «Վեոլիա ջուր» ընկերությունը։

«Ծաղկաձոր» օրվա կարգավորիչ ջրամբարն անմիջապես դատարկվել է, ինչի հետևանքով քաղաքում ջրանջատում է հայտարարվել:

Պարզվել է՝ պողպատե խողովակաշարի վրա 30 սմ-ոց ճեղք է բացվել:

«Այսօր վաղ առավոտից «Վեոլիա Ջուր ընկերության «Հրազդան» շահագործման տեղամասը սկսել է վթարավերացման աշխատանքները: ՎեոլիաԹիմն ամեն ինչ անում է՝ հայտարարված ժամին ջրամատակարարումը վերականգնելու համար»,-հայտնել է ընկերությունը։