​​Սննդամթերքի անվտանգության տեսչական մարմնի ղեկավարի որոշմամբ՝ կասեցվել է «Ծիրան մարկետ» ՍՊԸ-ին պատկանող երկու՝ Երևանի Գայի պողոտա 8/2 հասցեում գործող աղցանների, խոհարարական արտադրանքի  և Տիգրան Պետրոսյան 44/1 հասցեում գործող կրեմային հրուշակեղենի և ալրային կիսապատրաստվածքների  արտադրամասերի արտադրական գործունեությունը։

Որոշման համար հիմք են եղել այն խախտումները, որոնք հայտնաբերել են Տեսչական մարմնի Երևանի կենտրոնի տեսուչները նշված արտադրամասերում իրականացրած ստուգումների ընթացքում։ Մասնավորապես՝ աղցանների, խոհարարական արտադրանքի արտադրամասում՝

• Սանհանգույցի դուռը  բացվել է դեպի արտադրական շինություն
• Շինությունները սարքավորված չեն եղել մինչև նախամուտք մտնելուց առաջ աշխատանքային համազգեստի համար կախիչներով
• Արտադրական շինություններում պահվել են անձնակազմի անձնական հագուստ-կոշիկները
• Արտադրամասի սարքավորումները, գործիքները, հումքի մշակման սեղանը, լվացարանը  չեն պահվել նորոգ ու բարվոք վիճակում

Իսկ կրեմային հրուշակեղենի և ալրային կիսապատրաստվածքների արտադրամասում, բացի վերոնշյալ խախտումներից, նաև՝

• Արտադրական շինությունների հատակների, պատերի մակերևույթները պատրաստված չեն եղել անջրանցիկ, լվացվող նյութերից, եղել են վնասված
• Եփման վառարանը, օդատար համակարգը չեն պահվել նորոգ ու բարվոք վիճակում

Սահմանվել է ժամկետ նշված արտադրամասերում հայտնաբերված խախտումները վերացնելու համար