Աղիքային ցուպիկ՝ Հայաստանից արտահանված խավիարում. «Ռոսսելխոզնադզորը» ժամանակավոր սահմանափակումներ է մտցրել
01.03.2024
24-ժամյա ջրանջատում Կենտրոն և Շենգավիթ վարչական շրջաններում
03.03.2024
Ֆեյսբուքի մեր «Անվտանգ սնունդ» խմբում Արմինկա Վարդանյանը ահազանգել էր, որ ԳՈՒՄ-ի շուկայի մոտ (Երևան, Մ. Խորենացի 7) գտնվող «Նոր Զովք» սուպերմարկետից գնել է «Գրանդ Քենդի» «Мишка Косолапый» կոնֆետները՝ ամբողջությամբ որդնած։
«Հարգելիներս, այսօր Գումի շուկայի մոտ գտնվող Զովք սուպերմարկետից գնել ենք Գրանդ Քենդիի կոնֆետներ, ԱՄԲՈՂՋԸ ՈՐԹՆԱԾ
Խնդրում եմ շատ խիստ այս հարցին լուծում տալ, կտրոնը չենք վերցրել, մնացել է հսկիչի մոտ։
Սկզբից չենք նայել երեխաներիս մեկական տվել ենք կերել են!!!!»
«Անվտանգ սնունդ» խմբի գրառումը՝ առանց խմբագրման
Գրառմանն արձագանքել էր «Նոր Զովք» սուպերմարկետների ցանցը. նախ, ներողություն էին խնդրել Ա. Վարդանյանից, ապա կապ հաստատել նրա հետ՝ հարցը պարզաբանելու համար։
«Բարև Ձեզ, ներողություն ենք խնդրում, անձնական նամակով խնդրում ենք տրամադրել Ձեր հեռախոսահամարը կապվենք Ձեզ հետ»
«Նոր Զովք» ընկերության արձագանքը՝ առանց խմբագրմա
Ա. Վարդանյանի խոսքով՝ «Նոր Զովք» ընկերության մենեջերը պարզաբանել է՝ «երբ և ինչպես է դա եղել», բացի այդ, խնդրել է վերադարձնել ապրանքը, որպեսզի փոխարինեն՝ նշելով, որ այդ կոնֆետները սուպերմարկետի ամբողջ ցանցից վաճառքից հանվել է։
«Ես խոսեցի Զովքի մենեջերի հետ։ Ներողություն խնդրեցին և ընթացքը ասացին երբ և ինչպես է եղել։
Այո պետք է այսպիսի բաներ չլինեն, բայց և այնուամենայնիվ մենեջերին չեմ կարող մեղադրել ամեն ինչում, քանի որ իրենից բարձր շաաատ անձինք կան։ Ես ուզում եմ նշել, որ այս հարցի պատասխանատուն նաև Grand Candy ին է։
Որից արձագանք չստացանք։
Ապրանքը խնդրեցին վերադարձնել, որպիսի փոխարինվի , և ասացին ամբողջ ցանցով հանվել է այս ապրանքանիշը վաճառքից»։
«Անվտանգ սնունդ» խմբի գրառումը՝ առանց խմբագրման
«Գրանդ Քենդի» ընկերությունը դեռ չի արձագանքել ահազանգին։
Կոնֆետներում որդեր կարող են առաջանալ տարբեր փուլերում՝ թե’արտադրական գործընթացի , թե’ սխալ պահման պայմանների պատճառով։
Հետևաբար, սննդի որդնածության պատճառը հասկանալու համար պետք է ուսումնասիրել սննդի արտադրության փուլերը. շատ կարևոր է հենց հումքի անվտանգությունը և արտադրական պայմանները։ Օրինակ, եթե հումքը պատշաճ վերահսկողության չի ենթարկվել, և դրա մեջ եղել են թրթուրներ, արտադրության փուլում պետք է ճիշտ տեխնոլոգիաների կիրառել և ջերմային ռեժիմներ օգտագործել՝ դրանց վերացնելու համար։
Բացի այդ, իրացման ցանցում հինն ու նորը կարող են խառնվել իրար, և եթե հին խմբաքանակի մեջ արդեն իսկ կա որդ կամ թրթուր, ապա արտադրանքը կարող է աղտոտվել։
