Աղիքային ցուպիկ և ՄԱՖԱՄ «Քարֆուրի» որոշ ապրանքներում
19.02.2026
Եղանակը կցրտի 8-10 աստիճանով, սպասվում են տեղումներ
23.02.2026
Սննդամթերքի անվտանգության տեսչական մարմնի Երևանի կենտրոնի տեսուչները «Էվրի Դեյ» ՓԲԸ-ին պատկանող խմելու ջրի արտադրամասում (Վայոց ձորի մարզ, ք․ Ջերմուկ) անցկացվող վերահսկողական միջոցառման ընթացքում հայտնաբերել են սանիտարահիգիենիկ նորմերի խախտումներ։
Մասնավորապես՝
- պահեստային մասի և արտադրամասի պատերի մակերևույթները պատված չեն եղել անջրանցիկ, լվացվող, ախտահանվող նյութերից, որոշ հատվածներ եղել են խոնավ և բորբոսով պատված,
- առաստաղը նորոգ չի եղել, ինչը չի կանխարգելում կեղտի կուտակումը, բորբոսի առաջացումը և առաստաղից մասնիկների թափվելու հնարավորությունը,
- բացակայել է առանձնացված տարածքը լվացող և ախտահանող նյութերի, աշխատանքային գործիքների ու պարագաների համար։
Արտադրամասի արտադրական գործունեությունը կասեցվել է, «Էվրի Դեյ» ընկերության տնօրինությանը հանձնարարվել է ձեռնարկել անհրաժեշտ միջոցներ և արտադրական շինությունը համապատասխանեցնել օրենսդրության պահանջներին:
Հայտնաբերված խախտումները վերացնելու համար սահմանվել է ժամկետ:
Նշենք, որ «Էվրի դեյ» ընկերությունը «Բյուրեղ» ջրերի մատակարարն է, «Մաքուր ջուր» և «Ջուրջուր» ապրանքանիշերի սեփականատերը, «Տուտտո Կապսուլե» («Tutto Capsule»), պաշտոնական ներկայացուցիչը Հայաստանում։
