Սանիտարահիգիենիկ նորմերի խախտումներ «Բրենդլիդեր»-ի հացաբուլկեղենի արտադրամասում
30.05.2025
Եղանակը կցրտի, սպասվում է կարճատև անձրև և ամպրոպ
02.06.2025
Սննդամթերքի անվտանգության տեսչական մարմնի՝ Գոգավան-Պրիվոլնոյե սահմանային պետական վերահսկողության բաժնի տեսուչները Գոգավանի սահմանային անցակետում հայտնաբերվել և կասեցվել է անհայտ ծագման կենդանի կենդանիների մուտքը Հայաստանի Հանրապետություն:
ՍԱՏՄ հայտնում է, որ տեղափոխվող կենդանիների խմբաքանակի ուղեկցող փաստաթղթերի՝ մասնավորապես անասնաբուժական հավաստագրերի, ուսումնասիրությունը կասկած է հարուցել, որ դրանք կեղծված են. Ռուսաստանի Դաշնության անասնաբուժության և բուսասանիտարիայի հսկողության դաշնային ծառայությունը (Ռոսսելխոզնադզոր) հաստատել է, կառույցի կողմից ցլիկների տվյալ խմբաքանակի համար (205 գլուխ) որևէ փաստաթուղթ չի տրամադրվել:
Հատկապես հաշվի առնելով հարևան երկրներում դաբաղի SAT2 տեսակի բռնկման պաշտոնապես հաստատված փաստերը՝ անհայտ ծագման կենդանիների ցանկացած խմբաքանակի մուտքը Հայաստան կասեցվելու է:
«ՍԱՏՄ ուղղակի գործառույթն է ստուգել բոլոր ներկրվող և արտահանվող կենդանիների ուղեկցող փաստաթղթերը. անհայտ ծագման կենդանիները ենթակա են վերադարձի կամ ոչնչացման»,-հայտնում է ՍԱՏՄ-ն։
