«Արզնի» թռչնաֆաբրիկան պատասխանել է այդ հայտարարությանը՝ նշելով, որ «տպագրական վրիպակ է եղեկ», ինչից հետո ՍԱՏՄ-ն արձագանքել է այդ պատասխանին։ 

Պարզաբանումն ու պատասխանն ամբողջությամբ ներկայացնում ենք ստորև՝

։

։

Հարգելի՛ սպառողներ,

«Արզնի թռչնաֆաբրիկան» արտադրում և վաճառում է յոդացված ձու, որն իր մեջ պարունակում է համապատասխան քանակի կալիումի յոդիդ:

Յոդացված ձվի տուփերում ներդիրների տեղադրումն օրենսդրությամբ պարտադիր պահանջ չի համարվում. դրանք տեղադրվում են բացառապես բարի կամքի արդյունքում: Ներդիրները ներկայացված են տուփերում, որպեսզի մեր սպառողները տեղեկացված լինեն յոդացված ձվի օգտակարութան մասին և վստահ լինեն, որ օգտագործում են բարձր որակի և կալիումի յոդիդ պարունակող ձու։

Ներդիրներում պարունակվող տվյալները հիմնված են փորձագիտական եզրակացություների հիման վրա, որոնք իրականացվում են որոշակի պարբերականությամբ, ընդ որում ամեն փորձաքննությունից հետո արդյունքներն ուղարկվում են տպարան, և պատվիրվում է ներդիրների մեծ խմբաքանակ։ Հետևաբար թե՛ փորձաքննություները և թե՛ ներդիրների պատրաստման գործընթացները չեն կարող կրել ամենօրյա բնույթ:

Վերջին խմբաքանակի ներդիրներում թույլ է տրվել տպագրական վրիպակ և սխալմամբ նշվել է լաբարատորիայի նախկին աշխատակցի ազգանունը, ինչը տպագրության փուլում տեղի ունեցած շփոթմունքի արդյունք է:

Ընկերությունը պարբերաբար իրականացնում է յոդացված ձվի փորձաքննություն: Ընկերությունը օրական արտադրում է 5.000 և ավել յոդացված ձու, բնականաբար դրանք չեն կարող ենթարկվել ամենօրյա փորձաքննության, քանի որ յոդի պարունակությունը ձվի մեջ ստուգելու համար պահանջվում է 25 օր, իսկ ձուն ևս ունի 25 օր պիտանելիության ժամկետ:

Հարգե՛լի սպառողներ, «Արզնի թռչնաֆաբրիկան» հավաստիացնում է, որ ընկերության կողմից արտադրվող և շուկայում իրացվող յոդացված գրառմամբ բոլոր հավկիթները պարունակում են կալիումի յոդիդ, և ընկերությունն ունի բոլոր հավաստող փաստաթղթերը, որոնք կներկայացվեն համապատասխան մարմիններ: Հարգելի սպառողներ ՍԱՏՄ-ի այս արձանագրությունը պարզապես տպագրական սխալի արդյունք է և ձվի որակի և յոդի պարունակության հետ կապված որևէ խնդիր առկա չէ:

Հարգե՛լի սպառողներ, անհոգ եղեք։ Մենք բարձր ենք գնահատում Ձեր վստահությունը և շարունակելու ենք ապահովել բարձրորակ և անվտանգ արտադրանք։

Միշտ Ձեր՝ «Արզնի թռչնաֆաբրիկա»

։

Արզնի թռչնաֆաբրիկա

«Արձագանքելով Ձեր հայտարարությանը` ասեմ, որ ձեր կողմից յոդացված ձվի արտադրության ու վաճառքի իրավունքը չի վիճարկվում, առավել ևս՝ ձվի տուփերում ներդիրներ տեղադրելու իրավունքը:

Սակայն, եթե, նույնիսկ, բարի կամք դրսևորենք ու ընդունենք, որ դուք վրիպակ եք թույլ տվել՝ օգտագործելով վաղուց լաբորատորիայում չաշխատող անձի տվյալները, միևնույն է, մնում է հիմնական խնդիրը. հրապարակել եք ՀԱԲԼԾԿ ՊՈԱԿ-ի կողմից տրամադրված փորձաքննության արձանագրությունը, որը «չի կարելի մասնակիորեն արտատպել կամ վերարտադրել»:

Իսկ թե որքանով է ազնիվ 2025 թվականին տրված փաստաթղթի օգտագործումը 2026 թվականի արտադրանքի համար, թողնում ենք սպառողի եզրակացությանը:

Ձեր կողմից ներկայացված բացատրության տրամաբանությամբ՝ «նորմալ» կլիներ նաև 2024, 2023, 2022… 2000 և այլ թվականներին ստացած արձանագրությունների օգտագործումը 2026 թվականին։

Սպառողին մոլորեցնելու գործելաոճը դատապարտելի է, արձանագրության հրապարակումը` անօրինական»,- պատասպանել է ՍԱՏՄ Իրազեկման, խորհրդատվության և հանրության հետ տարվող աշխատանքների բաժին պետ Անուշ Հարությունյանը։

Сообщение «Արզնի»-ն «տպագրական վրիպակ» է անվանել ներդիրների խախտումը, ՍԱՏՄ-ն պատասխանել է появились сначала на anvtangsnund.am.

Այսօր «Դուստր Մարիաննա»-ն «Անվտանգ սնունդ» մեր խմբում պարզաբանում է ներկայացրել՝ նշելով, որ «մթերման կետերում մթերված կաթը մշակման երկար գործընթաց է անցնում» և մաքրվում, նոր միայն օգտագործվում տարբեր արտադրատեսակներում։

Պարզաբանումն ամբողջությամբ ներկայացնում ենք ստորև. 

«ՄԱՐԻԱՆՆԱ» ընկերությունը պարզաբնում է. Հրապարակվել է «Մարիաննա» ՍՊԸ-ին պատկանող կաթի մթերման կետերում ՀՀ Սննդամթերքի անվտանգության տեսչական մարմնի կողմից կատարված տեսչական ստուգման արդյունքները, համաձայն որոնց մթերման կետերից չորսում հայտնաբերվել են անհամապատասխանություններ:

Նշենք, որ մթերման կետերում սննդամթերք չի արտադրվում և, բնականաբար, արտադրվող սննդամթերքի աղտոտման մասին խոսք լինել չի կարող։

Մթերման կետերում մթերված կաթը տեղափոխվում է արտադրանք թողարկող գործարան, որտեղ մշակման երկար և արդյունավետ գործընթաց է անցնում` կեղտամաքրում հզոր կեղտամաքրիչով, ջերմային մշակում` պաստերիզացիա, լաբորատոր հսկողություն, դրանից հետո միայն լիովին մաքուր և անվտանգ կաթը պատրաստ է օգտագործման որպես հումք՝ տարբեր մթերքներ արտադրելու համար։

Դե իսկ «Մարիաննա» գործարանը կառուցված է եվրոպական ստանդարտների պահանջներին համապատասխան, հագեցած է բոլորովին նոր, գերժամանակակից ավտոմատացված սարքավորումներով, որոնք մարդու միջամտությունը գրեթե հասցնում են զրոյի։

Ցանկանում ենք նշել, որ «Մարիաննա» ընկերությունն ունի կաթի մթերման կետեր` տեղակայված Հայաստանի բոլոր մարզերում:

Կաթի մթերման կետերը գործում են երկար տարիներ և մշտապես եղել են տեսչական մարմնի հսկողության ներքո: Հայտնաբերված թերությունները ի հայտ են եկել ժամանակի ընթացքում և դրանք ողջամիտ ժամկետներում կվերացվեն: «Մարիաննան» կարևորում է իր սպառողի առողջությունը և անվտանգությունը և վստահեցնում, որ հետևողական կլինի ուղղիչ աշխատանքների կազմակերպման և իրականացման նկատմամբ:

Сообщение «Մթերված կաթը մշակման երկար և արդյունավետ գործընթաց է անցնում». «Մարիաննան» պարզաբանում է появились сначала на anvtangsnund.am.