«Մաբթերան» ռիտուքսիմաբ ակտիվ նյութով դեղ է, որն օգտագործվում է արյան քաղցկեղի որոշ տեսակների՝ մասնավորապես ոչ-Հոջկինյան լիմֆոմայի և քրոնիկ լիմֆոցիտային լեյկեմիայի բուժման համար։

Այն կիրառվում է նաև որոշ աուտոիմուն հիվանդությունների, այդ թվում՝ ռևմատոիդ արթրիտի, գրանուլոմատոզ պոլիանգիիտի, միկրոսկոպիկ պոլիանգիիտի և պեմֆիգուս վուլգարիսի դեպքում։

Քաղցկեղի որոշ տեսակների դեպքում այն կարող է նշանակվել քիմիաթերապիայի հետ համատեղ

Տեղեկատվության համաձայն՝ «Ֆ. Հոֆֆմանն-Լյա Ռոշե» դեղագործական ընկերության Գլոբալ խնդիրների կառավարման բաժնի կողմից իրականացված լաբորատոր քննության վերջնական արդյունքների՝ ներկայացված «Մաբթերա» N1130B24 խմբաքանակի դեղը հաստատվել է որպես կեղծ։

«Հարգելի՛ քաղաքացիներ, խնդրում ենք ուշադիր լինել և խուսափել «Մաբթերա» N1130B24 սերիայով դեղի օգտագործումից»,-նշել է ԱԱՏՄ-ն։

Сообщение Հայտնաբերվել է քաղցկեղի բուժման կեղծ դեղ появились сначала на anvtangsnund.am.

Մասնավորապես, մի շարք արտադրանքներում կաթնայուղի զանգվածային մասը մի քանի անգամ պակաս է եղել սահմանված նորմայից

ՄՍՇՊՀ-ն վարույթ է հարուցել կաթնամթերք արտադրող 11 ընկերությունների նկատմամբ՝ սպառողների շահերի դեմ ուղղված իրավախախտման հատկանիշների առերևույթ առկայության հիմքով։

Նրանցից 5-ը՝ «Մոտկոր Ֆուդ», «Էջմիածին Կաթ», «Հին Ապարան+», «Ար-Տար» և «Ամասիայի Գլխավորող Պանրագործարան» ՍՊԸ-ներն ընդունել են արձանագրված խախտումները։ Վերջիններիս նկատմամբ կիրառվել է արագացված վարույթ, որի արդյունքում նշանակվել է ընդհանուր շուրջ 16.5 մլն դրամի տուգանք։

Լաբորատոր փորձաքննությունների արդյունքներով պարզվել է, որ վերոնշյալ ընկերությունների մի շարք արտադրանքներում կաթնայուղի զանգվածային մասը կազմել է համապատասխանաբար 5.4%, 15% և 25.5%, 18%, 1%, 0.9% այն դեպքում, երբ Մաքսային միության համապատասխան տեխնիկական կանոնակարգի համաձայն՝ այն պետք է կազմի առնվազն 50%։

Նշենք, որ եթե կաթնայուղի փոխարինիչով ապրանքների արտադրության դեպքում, կաթնայուղի զանգվածային մասը սահմանված նվազագույն 50%-ից զգալիորեն ցածր է, ապա այդ ապրանքը համարվում է կեղծված. իրական բաղադրությունը չի համապատասխանում արտադրանքի անվանմանը։

Դրանք են՝

•  «Մոտկոր» անվանումով,
• «Ամասիա» ապրանքային նշանով՝ «Չանախ» անվանումով,
• «Tasty Cheese» ապրանքային նշանով,
• «ԱԹ-ԱՌԱՏ» անվանումով կաթնայուղի փոխարինիչով կաթ պարունակող մթերքներ՝ արտադրված «Չանախ» պանրի տեխնոլոգիայով,
• «EJMIATSIN Kat» ապրանքային նշանով, «Ընտանեկան» անվանումով, 18% յուղայնությամբ
• «Հին Ապարան» անվանումով կաթնայուղի փոխարինիչով կաթ պարունակող մթերքներ՝ արտադրված թթվասերի տեխնոլոգիայով։

Մնացած 6 վարույթները դեռևս քննության փուլում են։  Որոշումները կարող եք տեսնել այստեղ։

Сообщение 16,5 մլն տուգանք կեղծված կաթնամթերքի համար. 5 ընկերություն ընդունել է խախտումները появились сначала на anvtangsnund.am.

Հարգելի´ քաղաքացիներ, խնդրում ենք ուշադիր լինել և խուսափել N7796 սերիայով դեղի օգտագործումից,- կոչ է անում Առողջապահական և աշխատանքի տեսչական մարմինը։

Նշենք, որ «Պերջետա» դեղը հակամարմինային (մոնոկլոնալ հակամարմին) դեղամիջոց է, որը կիրառվում է որոշ տեսակի քաղցկեղների բուժման ժամանակ, մասնավորապես՝ HER2-դրական կրծքագեղձի քաղցկեղի դեպքում։

Այն օգտագործվում է միայն բժշկի հսկողության ներքո՝ ներերակային ներարկման միջոցով։

Դեղը նախատեսված է ուռուցքային բջիջների աճի դանդաղեցման համար և սովորաբար կիրառվում է համակցված բուժման (թերապիայի) շրջանակում։

Сообщение Հայտնաբերվել է քաղցկեղի բուժման կեղծ դեղ появились сначала на anvtangsnund.am.

Մասնավորապես, 2026թ. մարտի 6-ին «Դեղերի և բժշկական տեխնոլոգիաների կենտրոն» ՊՈԱԿ-ի կողմից ստացված թիվ 01/1232-26 գրության համաձայն՝ «Հոֆման-Լա Ռոշ» ընկերությունը տեղեկատվություն է տրամադրել «Հերցեպտին» (տրաստուզումաբ) դեղափոշի կաթիլաներարկման լուծույթի խտանյութի 440մգ, ապակե սրվակ և լուծիչ սրվակում 20մլ (արտադրող և գրանցման հավաստագրի իրավատեր՝ Ֆ․Հոֆման-Լա Ռոշ ՍՊԸ, Շվեյցարիա), դեղի N7741B04 սերիայի կեղծման դեպքի վերաբերյալ։

«Հարգելի´ քաղաքացիներ, խնդրում ենք ուշադիր լինել և խուսափել N7741B04 սերիայով դեղի օգտագործումից»

ԱԱՏՄ

Նշենք, որ «Հերցեպտին» (տրաստուզումաբ) դեղամիջոցը կիրառվում է հիմնականում կրծքագեղձի քաղցկեղի որոշ տեսակների բուժման համար։ Այն գործում է HER2 կոչվող սպիտակուցի վրա, որը որոշ ուռուցքային բջիջների մակերեսին չափազանց շատ է արտադրվում և նպաստում է դրանց արագ աճին։

Դեղը օգնում է արգելակել այդ գործընթացը և կիրառվում է ինչպես հիվանդության վաղ փուլերում, այնպես էլ՝ տարածված ձևերի բուժման ժամանակ։

Сообщение Հայտնաբերվել է քաղցկեղի բուժման կեղծ դեղ появились сначала на anvtangsnund.am.

Հակակոռուպցիոն կոմիտեում քննված և մեղադրական եզրակացությամբ իրավասու դատարան հանձնված քրեական գործով պարզվել էր, որ ՍԱՏՄ նույն Կենտրոնի գլխավոր մասնագետ-տեսուչ Գուրգեն Պետրոսյանն իր ստորագրությամբ հաստատել է կեղծ տեղեկություններ պարունակող՝ վտանգավոր արտադրանքի ոչնչացման վերաբերյալ կազմված ակտ, որի համաձայն, իբր ոչնչացվել է պիտանելիության ժամկետն անցած շուրջ 300.000 ձու, իսկ «Մյաս» ՍՊ ընկերության տնօրեն Ռուդիկ Հովհաննիսյանն օժանդակել է այդ ակտի կազմմանը: Գուրգեն Պետրոսյանը կեղծ ակտը փոխանցել է նույն Կենտրոնի պետ Ալեքսան Մկրտչյանին՝ տեղեկացնելով, որ ոչնչացման ենթակա ձվի ամբողջ խմբաքանակը փաստացի չի ոչնչացվել:

 Հակակոռուպցիոն դատարանի՝ 2025 թվականի մարտի 6-ի դատավճռով՝ Սննդամթերքի անվտանգության տեսչական մարմնի Արմավիրի մարզային կենտրոնի պետ Ալեքսան Մկրտչյանը մեղավոր է ճանաչվել և դատապարտվել ազատազրկման՝ 4 տարի 6 ամիս ժամկետով, տուգանքի՝ 1 միլիոն 830 հազար դրամի չափով և 3 տարի ժամկետով զրկվել է հանրային ծառայության պաշտոններ զբաղեցնելու իրավունքից: Նույն Կենտրոնի գլխավոր մասնագետ-տեսուչ Գուրգեն Պետրոսյանը մեղավոր է ճանաչվել և դատապարտվել տուգանքի՝ 1 միլիոն 174 հազար դրամի չափով, «Մյաս» ՍՊ ընկերության տնօրեն Ռուդիկ Հովհաննիսյանը մեղավոր է ճանաչվել և դատապարտվել ազատազրկման՝ 2 տարի ժամկետով, որը պայմանականորեն չի կիրառվել և տուգանքի՝ 750 հազար դրամի չափով:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Сообщение 300 000 ժամկետանց ձվի ոչնչացման մասին կեղծ ակտ կազմած նախկին պաշտոնյան դատապարտվել է ազատազրկման появились сначала на anvtangsnund.am.