Ըստ հետազոտության արդյունքների՝ պարզվել է, որ արտադրվում է վտանգավոր սննդամթերք․ նմուշները չեն համապատասխանել սննդամթերքի անվտանգության ոլորտի իրավական ակտերով սահմանված անվտանգության և սննդամթերքի հիգիենային ներկայացվող պահանջներին։

Մասնավորապես՝ փորձաքննության ներկայացված «Պանիր Մոցարելլա», «Պանիր Բուրատտա», «Պանիր Գաուդա» արտադրատեսակների նմուշները աղիքային ցուպիկի խմբի մանրէներ (ԱՑԽՄ), «Թթվասեր» արտադրատեսակի նմուշը ԱՑԽՄ, խմորասնկեր, բորբոսասնկեր, «Յոգուրտ դեղձի», «Յոգուրտ ելակի» արտադրատեսակների նմուշները խմորասնկեր ցուցանիշներով չեն համապատասխանել «Կաթի և կաթնամթերքի անվտանգության մասին» Մաքսային միության տեխնիկական կանոնակարգի պահանջներին:

Աղիքային ցուպիկի խմբի մանրէները կարող են առաջացնել աղիքային թունավոր վարակներ, իսկ պատրաստի սննդամթերքում դրանց առկայությունը վկայում է սանիտարական նորմերի, պահպանման, տեղափոխման և վաճառքի պայմանների և ջերմաստիճանի, ինչպես նաև՝ արտադրության տեխնոլոգիական պայմանների խախտման մասին:

Խմորասնկեր և բորբոսասնկեր — միկրոօրգանիզմներ են, որոնց քանակի ավելացումը կարող է վկայել արտադրության, պահպանման կամ տեղափոխման ընթացքում սանիտարահիգիենիկ պահանջների խախտումների մասին։

 

Տեսչական մարմնի ղեկավարի որոշմամբ՝ կաթնամթերքի արտադրամասի արտադրական գործունեությունը կասեցվել է մինչև հայտնաբերված խախտումները վերացնելը:

Сообщение Աղիքային ցուպիկ, խմորասնկեր և բորբոսասնկեր «Դիլիի» որոշ ապրանքներում появились сначала на anvtangsnund.am.

Լաբորատոր փորձաքննությամբ պարզվել է, որ «Կաթնաթթվային մթերք Նարինե» արտադրատեսակի նմուշը «Խմորասնկեր» ցուցանիշով չի համապատասխանել իրավական ակտերով սննդամթերքի անվտանգությանը և հիգիենային ներկայացվող պահանջներին. արտադրվել է վտանգավոր սննդամթերք:

Տեսչական մարմնի ղեկավարի որոշմամբ՝ կասեցվել է կաթնամթերքի այդ արտադրամասի արտադրական գործունեությունը:

«Խմորասնկեր» ցուցանիշը մթերքի մանրէաբանական անվտանգության ցուցանիշներից է։

Դրա բարձր մակարդակը կարող է վկայել պահպանման կամ արտադրական պայմանների խախտման մասին և արագացնել մթերքի փչացումը։

Խախտումները վերացնելու համար սահմանվել է վերջնաժամկետ:

Сообщение «Նարինե» արտադրանքում խմորասնկերը գերազանցել են նորման появились сначала на anvtangsnund.am.

Լաբորատոր փորձաքննությամբ պարզվել է, որ «Կարկանդակ պանրով և խոզապուխտով», «Կաթնաշոռ Lactoland 5%» և «Թթվասեր առանց լակտոզա 15%» արտադրատեսակների նմուշները «աղիքային ցուպիկի խմբի մանրէներ» (ԱՑԽՄ) ցուցանիշով, չեն համապատասխանել իրավական ակտերով սննդամթերքի անվտանգությանը և հիգիենային ներկայացվող պահանջներին. արտադրվել է վտանգավոր սննդամթերք:

Տեսչական մարմնի ղեկավարի որոշմամբ՝ կաթնամթերքի և կիսաֆաբրիկատների այս արտադրամասի արտադրական գործունեության առանձին գործառույթը՝ «Կաթնաշոռ Lactoland 5 %», «Թթվասեր առանց լակտոզա 15 %» և «Կարկանդակ պանրով և խոզապուխտով» արտադրատեսակների արտադրությունը, կասեցվել է:

Խախտումները վերացնելու համար սահմանվել է վերջնաժամկետ:

Сообщение Աղիքային ցուպիկ «Panatsea» ընկերության որոշ ապրանքներում. փորձաքննության արդյունքները появились сначала на anvtangsnund.am.

«Հիվանդությունների վերահսկման և կանխարգելման ազգային կենտրոնը» հայտնում է, որ իրականացվել է խմելու ջրի նմուշառում, որի արդյունքում հայտնաբերվել են շեղումներ՝ կոլիֆորմ մանրէներ:

Կենսաբանական նմուշների հետազոտություններով հայտնաբերվել են նաև ռոտավիրուս, ադենովիրուս, ինչպես նաև էնտերոհեմորագիկ և էնտերոախտածին կոլի խմբի ախտածիններ։

Ձեռնարկվել են համապատասխան միջոցառումներ, պատկան մարմիններն իրազեկվել են:

Նշվում է, որ այժմ իրավիճակը գտնվում է վերահսկողության տակ, բռնկման ակտիվ տարածում չի արձանագրվում, և համաճարակաբանական տվյալները վկայում են գործընթացի մարումի մասին։

»

ԻՆՉ ՄԱՆՐԷՆԵՐ ԵՆ ԴՐԱՆՔ, ԻՆՉՊԵՍ ԿԱՐՈՂ ԵՆ ՀԱՅՏՆՎԵԼ ՋՐՈՒՄ ԵՎ ԻՆՉ ՀԵՏԵՎԱՆՔՆԵՐ ՈՒՆԵՆ

Կոլիֆորմ մանրէների առկայությունը հաճախ նշանակում է, որ ջուրը կարող է աղտոտված լինել կոյուղաջրերով կամ կենդանական/մարդկային արտաթորանքով, որտեղ արդեն կարող են լինել իրական ախտածիններ։

Հետազոտություններով հայտնաբերված մի շարք վիրուսներ և բակտերիաներ, որոնք արդեն ուղղակիորեն կարող են առաջացնել հիվանդություններ․

• Ռոտավիրուս – հաճախ հանդիպող աղիքային վիրուս է, հատկապես երեխաների մոտ։ Առաջացնում է փորլուծություն, փսխում, ջերմություն և կարող է արագ բերել ջրազրկման։

• Ադենովիրուս – կարող է առաջացնել ինչպես շնչառական, այնպես էլ աղիքային ախտանիշներ, այդ թվում՝ փորլուծություն։

• Էնտերոհեմորագիկ և էնտերոախտածին E. coli (կոլի խմբի ախտածիններ) – որոշ շտամներ կարող են առաջացնել ծանր աղիքային վարակներ, ներառյալ՝ արյունային փորլուծություն և, հազվադեպ դեպքերում, լուրջ բարդություններ։

Այսպիսի մանրէներն ու վիրուսները սովորաբար ջրամատակարարման համակարգ են հասնում՝

• կոյուղու կամ կեղտաջրերի ներթափանցման դեպքում

• ջրատարների վնասման կամ ճաքերի պատճառով

• ոչ բավարար ախտահանման (օրինակ՝ քլորացման խախտման) դեպքում

• ուժեղ անձրևներից կամ հողի լվացքից հետո

Այսինքն՝ խնդիրը, որպես կանոն, կապված է ջրի աղտոտման աղբյուրի կամ համակարգի խափանման հետ։

Բուժօգնության դիմած, ինչպես ամբուլատոր, այնպես էլ ստացիոնար բուժում ստացող բուժառուների վիճակը բավարար է, նոր դեպքեր չեն արձանագրվել:

Հիշեցնենք, որ ապրիլի 21-ին Բյուրեղավան համայնքում գրանցվել էին աղիքային վարակիչ հիվանդության դեպքեր։ Ըստ տվյալների՝ ստացվել էր մոտ 30 կանչ, որոնցից 11 դեպքում մարդիկ հոսպիտալացվել էին։

Հաջորդ օրը «Վեոլիա ջուր» ընկերությունը տեղեկացրել էր, որ խմելու ջրի որակի հետ կապված շեղումներ չեն արձանագրվել. 

«Իրականացվել են խմելու ջրի նմուշառումներ և լաբորատոր հետազոտություններ, այս պահի դրությամբ Բյուրեղավանում խմելու ջրի հետ կապված որևէ շեղում ընկերությունը չի հայտնաբերել»

Сообщение Կոլիֆորմ մանրէներ և աղիքային վարակների հարուցիչներ Բյուրեղավանի ջրում. փորձաքննության արդյունքները появились сначала на anvtangsnund.am.

Դիտարկման շրջանակներում նմուշառում և հսկիչ գնում է իրականացվել Վլադ Հակոբյանի անվան «Համակցված կերերի գործարան» ՓԲԸ, «Արաքս թռչնաֆաբրիկա» ՓԲԸ, «Աշտարակ ձու» ՍՊԸ, «Գնթունիք» ՍՊԸ, «Վարիանտ Գրուպ» ՍՊԸ, «Գնդեվազ Ֆարմ» ՍՊԸ, «Հագա» ՍՊԸ, «Արարատ» ՍՊԸ, «Արզնու տոհմային ԹՏԽ» ԲԲԸ, «Լուսակերտի «Էլիտ»» ՍՊԸ, Արթուր Հարությունյան ԱՁ, «Արամուս» ՍՊԸ ձվի արտադրական կազմակերպություններում, ինչպես նաև Երևանի և մարզերի իրացման մի շարք խոշոր օբյեկտներում։

Ձվի արտադրական կազմակերպությունների դիտարկման արդյունքում խախտում է արձանագրվել միայն «Արզնու տոհմային ԹՏԽ» ԲԲԸ-ում. համաձայն լաբորատոր փորձարկման արձանագրության՝ ներկայացված նմուշը՝ «հավի ձու 01 կարգի, 23.03.2026թ. արտադրության», չի համապատասխանել ՀՍՏ 182-2012 ստանդարտով սահմանված առաջին տեսակի սեղանի ձվի պահանջներին:

Իրացման կազմակերպությունների դիտարկման շրջանակներում հսկիչ գնում է իրականացվել «Աշտարակ», «Արաքս», «Արզնի», «Արզնի յոդացված», «Գնթունիք», «ԵԹՖ», «Էլիտ», «Էրեբունի», «Թաարմ», «Կոկո», «Նատուր ֆուդ», «Շիրակ», «ՈԹՖ», «Ոսկեհատ» «Ստեփանյան Ֆարմ», «НОВОРОССП/Ф» արտադրողների սեղանի թարմ ձու ապրանքատեսակների տարբեր խմբաքանակներից:

Լաբորատոր հետազոտության արդյունքում` «Արզնի» (արտադրման ամսաթվեր՝ 24․03 և 10․03), «ԵԹՖ» (արտադրման ամսաթվեր՝ 13․03 և 21․03), «Էլիտ» (արտադրման ամսաթիվ՝ 18․03) չեն համապատասխանել ՀՍՏ 182-2012 Ա դասի առաջին տեսակի (սեղանի) ձվի պահանջներին (կճեպը ծակոտկեն, սպիտակուցը կիսաթափանցիկ, պղտոր, կոտրելիս՝ դեղնուցը ոչ առաձգական, առկա են արյան օղակներ, կողմնակի արտահայտված հոտ)։

Արձանագրվել են նաև սեղանի թարմ ձու ապրանքատեսակի կարգի անհամապատասխանություններ:

Ըստ այդմ՝ «Արաքս» (արտադրման ամսաթվեր՝ 24․03, 26․03 և 27․03), «Արզնի» (արտադրման ամսաթիվ՝ 20․03), «Գնթունիք» (արտադրման ամսաթիվ՝ 25․03), «ԵԹՖ» (արտադրման ամսաթիվ՝ 25․03), «Էլիտ» (արտադրման ամսաթիվ՝ 18․03), «Էրեբունի» (արտադրման ամսաթիվ՝ 17․03), «Թաարմ» (արտադրման ամսաթիվ՝ 21․03), «Կոկո» (արտադրման ամսաթիվ՝ 20․03), «Շիրակ» (արտադրման ամսաթվեր՝ 14․03, 26․03, 22․03, 18․03 և 24․03) և «ՈԹՖ» (արտադրման ամսաթիվ՝ 26․03) ապրանքնիշերի ձվի կարգը չի համապատասխանել մակնշմամբ ներկայացվածին։

Խախտումներով խմբաքանակների համար տրվել են արտադրանքի իրացումն արգելելու, շուկայից հետ կանչելու, ոչնչացնելու կամ օգտահանելու մասին կարգադրագրեր:

Վերահսկողությունը շարունակվում է, արդյունքները կներկայացվեն հաջորդիվ:

։

Տես նաև՝

• Մոլորեցնող ներդիրներ և ոչ թարմ ձու. խախտումներ «Արզնի» ընկերությունում

• «Արզնի»-ն «տպագրական վրիպակ» է անվանել ներդիրների խախտումը, ՍԱՏՄ-ն պատասխանել է

Сообщение Ստուգումներ ձվի շուկայում. 16-ից 10-ում խախտում է հայտնաբերվել появились сначала на anvtangsnund.am.

Լաբորատոր փորձաքննության ներկայացված կաթնամթերքի 12 նմուշից 5-ում խախտում էր հայտնաբերվել, և ՍԱՏՄ-ն վերահսկողություն էր սկսել խախտումներ ունեցող ներմուծողների մոտ։

• Ներմուծված կաթնամթերքը. 12 նմուշից 5-ում խախտում է հայտնաբերվել

Այսօր ՍԱՏՄ-ից հայտնեցին, որ ՍԱՏՄ պետի հրամանի համաձայն՝ հունվարի 22-ից ժամանակավորապես արգելվում է «Վերշկովիյ ռայ» (Вершковий рай) ապրանքանիշի «Գոլլանդեց» (Голландец) սպիտակուցաճարպային մթերքի ներմուծումը Հայաստանի Հանրապետություն և տեղափոխումը (արտադրող՝ ԱԲԸ «Խմելնիցկայա մասլոսիրբազա» (Хмельницка маслосирбаза) Ուկրաինա, ներմուծող՝ «Մեգա Ֆուդ» ՍՊԸ (արտադրված 01․10․2025թ, պիտանիության ժամկետը՝  30․03․2026թ)):

Համաձայն հրամանի՝ ««Գոլլանդեց» (Голландец) սպիտակուցաճարպային մթերք» արտադրանքի այլ խմբաքանակներից կկատարվի նմուշառում և կներկայացվի լաբորատոր փորձաքննության «աղիքային ցուպիկի խմբի մանրէներ» (ԱՑԽՄ) և «կաթնայուղի զանգվածային մաս» ցուցանիշներով:

Հրամանը չի գործում մինչև հունվարի 22-ն արտահանված, տեղափոխված ապրանքների ներմուծման և տեղափոխման նկատմամբ։

Сообщение Լաբորատոր փորձաքննությունից հետո «Գոլլանդեց» ապրանքի ներմուծումն արգելվել է появились сначала на anvtangsnund.am.

anvtangnsnund.am կայքի առաջարկով և նախաձեռնությամբ՝ Սննդամթերքի անվտանգության տեսչական մարմի հետ համատեղ իրականացել ենք ԵԱՏՄ և երրորդ երկրներից ներմուծված և սահմանային հսկողության չենթարկված (չփորձաքննված) արտադրանքների լաբորատոր փորձաքննություն։

Հաշվի առնելով հնչած կարծիքներն ու ապրանքների ռիսկայնության աստիճանը՝ ընտրել ենք կաթնամթերքի շուկան և նոյեմբերի 28-ին ՍԱՏՄ տեսուչների հետ համատեղ փորձաքննության ենք ներկակացրել ներմուծված 12 տեսակի ապրանք։

Մասնավորապես, ընտրել ենք շուկայում լայն սպառում ունեցող՝ յոգուրտներ, թթավսեր, մանկական կաթնաշոռ, կարագներ, որպես պանրային արտադրանք ներկայացված մթերքներ։

Ապրանքները փորձաքննության ենք ներկայացրել 2 տարբեր լաբորատորիա. մենք՝ «Ստանդարտ Դիալոգ», ՍԱՏՄ-ն` իր ենթակայության տակ գտվնող «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» («ՀԱԲԼԾԿ») լաբորատորիա։

Տեսանյութը՝ վերջում

։

։

Հոկտեմբերի 17-ին «Անվտանգ սնունդ» մեր ֆեյսբքւոյան խմբում հարցում էինք անցկացրել՝ խնդրելով մեր ընթերցողներին մասնակցել ընտրությանն ու առաջարկել ներմուծվող այն սննդատեսակները, որոնք կցանկանան փորձաքննել։ 

Արդյունքում, ընտրել էինք կաթնամթերքի շուկան և հատկապես լայն սպառում ունեցող 12 ապրանք, որոնց մի մասի վերաբերյալ «Անվտանգ սնունդ» խմբում խախտման ահազանգեր են եղել։

Ընտրվել են ռուսական, բելառուսական, ուկրաինական, նոր զելանդական կաթնամթերք։

Կաթնամթերքին ներկայացվող պահանջներն ու անվտանգության նորմերը կարգավորվում են ՄՄ ՏԿ 033/2013`«Կաթի և կաթնամթերքի անվտանգության մասին», ինչպես նաև՝ ՄՄ ՏԿ 022/2011՝ «Սննդամթերքը դրա մակնշման մասով» տեխկանոնակարգերով։

Հետևաբար, լաբորատոր փորձաքննությունից բացի, ուսումնասիրել ենք նաև ապրանքների մակնշումները։

Գնումները կատարել ենք Երևանի «Կայզեր»  (Մարգարյան փող., 23/6) և «Երևան սիթի» (Մեսրոպ Մաշտոց 5) սուպերմարկետներից։

Արդյունքները ներկայացնելու պահին որոշ ապրանքների ժամկետներն արդեն լրացած են

։

Նմուշ N1

Առաջին համարի տակ (ՍԱՏՄ մոտ 7-րդ համարի նմուշն է) փորձաքննության ենք ներկայացրել ռուսական «President» 20% (Պրեզիդենտ) 350գ թթվասերը (պիտանելիության ժամկետը՝ 26.10.25-05.12.25)։ Արտադրող «Ефремовский маслосыродельный комбинат» («Лакталис Восток» ընկերության պատվերով)։ 

Այս ապրանքը Հայաստան է ներմուծում «Լակտալիս Արմա» ընկերությունը։

Օրիգինալ և հայերեն մակնշումները համապատասխանում են, առկա է EAC (Eurasian Conformity / Եվրասիական համապատասխանության) նշանը։

EAC նշանը (Եվրասիական համապատասխանություն, Eurasian Conformity) վկայում է, որ տվյալ ապրանքն անցել է անհրաժեշտ ստուգումները, hամապատասխանում է իր համար սահմանված տեխնիկական կանոնակարգերի պահանջներին ու կարող է հայտնվել շուկայում։ 

Սննդամթերքի դեպքում այս նշանի դերն էլ ավելի է կարևորվում, քանի որ փաստում է` այն անվտանգ է, փորձաքննվել է, համապատասխանում է անվտանգության սահմանված  նորմերին։ 

EAC-ի նշանի պարտադիր լինելու մասին որոշումն ընդունվել է դեռևս 2011թ օոգոստոսի 16-ին՝ «Փաթեթվածքի անվտանգության մասին»   (ՄՄ ՏԿ 005/2011), ինչպես նաև՝ «Պարենային ապրանքներն իրենց պիտակավորման մասով» (ՄՄ ՏԿ 022/2011) Մաքսային միության տեխնիկական կանոնակարգում։

Լաբորատոր փորձաքննությամբ՝ այս ապրանքում խախտումներ չեն հայտնաբերվել. այն համապատասխանում է ՄՄ ՏԿ 033/2013 և ՄՄ ՏԿ 022/2011 տեխկանոնակարգերին։ 

։

Նմուշ N2

Երկրորդ համարի տակ (ՍԱՏՄ՝ 8-րդ) փորձաքննության է ներկայացվել նույն՝ ռուսական ընկերության արդեն «President» 30% (Պրեզիդենտ) 350գ թթվասերը (պիտանելիության ժամկետը՝ 04.11.25-14.12.25)։ Արտադրող «Ефремовский маслосыродельный комбинат» («Лакталис Восток» ընկերության պատվերով)։

Օրիգինալ և հայերեն մակնշումները համապատասխանում են, նույնպես առկա է EAC (Eurasian Conformity / Եվրասիական համապատասխանության) նշանը։

Լաբորատոր փորձաքննությամբ՝ այս ապրանքում խախտումներ չեն հայտնաբերվել. այն համապատասխանում է ՄՄ ՏԿ 033/2013 և ՄՄ ՏԿ 022/2011 տեխկանոնակարգերին։ 

։

Նմուշ N3

Երրորդ համարի տակ (ՍԱՏՄ՝ 2-րդ) փորձաքննության է ներկայացվել ռուսական «Fruttis 5%» (Ֆրուտիս) յոգուրտային պաստերացված արտադրանքը՝ դեղձի համով (պիտանելիության ժամկետը՝ 25.09.25-24.03.26)՝ 290գ։ Արտադրող՝ «Эрманн Ступино» (Էրման Ստուպինո)։ 

Ապրանքը Հայաստան է ներմուծում «Դերժավա» ընկերությունը։

Յոգուրտային արտադրանքը յոգուրտի տեխնոլոգիայով պատրաստվող արտադրանք է, որը կարող է պարունակել խտացուցիչներ, կաթնայուղի փոխարինիչներ, սննդային հավելումներ, ինչի հաշվին և ունենալ պահպանման ավելի երկար ժամկետ։

Ըստ մակնշման՝ ապրանքը պարունակում է E1422 և E1442 սննդային հավելումներ։

E1422 եգիպտացորենից կամ կարտոֆիլից ստացված մոդիֆիկացված օսլա է և օգտագործվում է որպես՝ խտացնող, կայունացնող, դոնդողացնող նյութ, էմուլգատոր։ 

E1442-ը նույնպես մոդիֆիկացված օսլա է, օգտագործվում է սննդի կառուցվածքը բարելավելու համար՝ որպես խտացուցիչ, Այն անվտանգ է և թույլատրված է օգտագործման համար, այնուամենայնիվ, խորհուրդ չի տրվում տալ մինչև 3 երեխաներին։ 

Լաբորատոր փորձաքննության համաձայն՝«Fruttis 5%» յոգուրտային արտադրանքում կաթնաթթվային մանրէների թիվը եղել է սահմանվածից 10 անգամ քիչ (1×10⁶` 1×10⁷-ի փոխարեն)

Կաթնաթթվային մանրէները (լակտոբակտերիաները) պատասխանատու են կաթնամթերքի բնական թթվայնացման համար և մեծացնում են ապրանքի սննդային արժեքն ու օգտակար հատկանիշները, մասնավորապես, մարսողության վրա։

Եթե մանրէների քանակը նորմայից ցածր է (մինչև 1 × 10⁶ ԳԱՄ/գ-ից), դա կարող է վկայել այն մասին, որ արտադրության ինչ-որ փուլում խախտվել են տեխնոլոգիական կամ պահպանման պայմանները։ Արդյունքում՝ ապրանքը «թերհաս» է և չունի այն օգտակար հատկանիշները, որոնք  պետք է ունենար։

Այսպիսով, «Fruttis 5%» յոգուրտային արտադրանքը չի համապատասխանում ՄՄ ՏԿ 033/2013 տեխկանոնակարգի սահմանված պահանջներին։

;

Նմուշ N4

Չորրորդ համարի տակ (ՍԱՏՄ՝ 3-րդ) փորձաքննության է ներկայացվել նույն՝ «Эрманн Ступино» (Էրման Ստուպինո) ընկերության ռուսական «Нежный» (Նեժնի) ելակի հյութով 1,2% յուղայնությամբ յոգուրտային պաստերիզացված արտադրանքը (պիտանելիության ժամկետը՝ 28.09.25-25.02.26)՝ 320գ։

Ապրանքը Հայաստան է ներմուծում «Դերժավա» ընկերությունը։

Այս արտադրանքը նույնպես պարունակում է սննդային հավելումներ՝  E1422, E1442 (վերը նշված խտացուցիչները, հեղ.) և E331։

E331 — նատրիումի ցիտրատ, կիտրոնաթթվի նատրիումի աղ, որն օգտագործվում է թթվայնությունը կարգավորելու, համը բարելավելու և պահպանելու համար։

Լաբորատոր փորձաքննության համաձայն՝ այս յոգուրտային արտադրանքում նույնպես կաթնաթթվային մանրէների թիվը եղել է սահմանվածից 10 անգամ քիչ (1×10⁶` 1×10⁷-ի փոխարեն)

Այպիսով, «Нежный» 1,2% յոգուրտային արտադրանքը չի համապատասխանում ՄՄ ՏԿ 033/2013 տեխկանոնակարգի սահմանված պահանջներին։

։

Նմուշ N5

Հինգերորդ համարի տակ փորձաքննության է ներկայացվել ռուսական «Danone» 1.2% («Դանոն») յուղայնությամբ ելակի համով յոգուրտային արտադրանքը (պիտանելիության ժամկետը՝ 01.11.25-26.12.25)՝ 100գ։ Արտադրող՝ «Danone Berkut», Ղազախստան։ 

Լաբորատոր փորձաքննությամբ՝ այս ապրանքում խախտումներ չեն հայտնաբերվել. այն համապատասխանում է ՄՄ ՏԿ 033/2013 և ՄՄ ՏԿ 022/2011 տեխկանոնակարգերին։ 

Նմուշ N6

Վեցերորդ համարի տակ (ՍԱՏՄ՝ 6-րդ) փորձաքննության է ներկայացվել «Агуша» 3,9% յուղայնությամբ մանկական մրգային կաթնաշոռը (պիտանելիության ժամկետը՝ 10.11.25-07.12.25)՝ տանձի համով, 100գ։ Արտադրող՝ «Вимм-Билль-Данн» (Վիմ Բիլ Դան) ընկերություն։

Ապրանքը հատուկ նշանակության սնունդ է և ունի պետական գրանցում։ Հայաստան է ներմուծում «Ադամիում» ընկերությունը։

Լաբորատոր փորձաքննությամբ՝ այս ապրանքում խախտումներ չեն հայտնաբերվել. այն համապատասխանում է ՄՄ ՏԿ 033/2013 և ՄՄ ՏԿ 022/2011 տեխկանոնակարգերին։ 

։

Նմուշ N7

Յոթերորդ համարի տակ (ՍԱՏՄ՝ 1-ին) փորձաքննության է ներկայացվել բելառուսական «Брест Литовск» 15% յուղայնությամբ թթվասերը (պիտանելիության ժամկետը՝ 04.11.25-04.12.25)` 300գ։ Արտադրող «Савушкин Продукт» (Սավուշկին պրոդուկտ) ընկերություն։ 

Ապրանքը Հայաստան է ներմուծում «Լ.Դ.Լ.» ընկերությունը։

Լաբորատոր փորձաքննությամբ՝ «Брест Литовск» թթվասերում կաթնաթթվային մանրէների քանակը եղել է սահմանվածից 10 անգամ քիչ (1×10⁶)։

Այպիսով, ապրանքը չի համապատասխանում ՄՄ ՏԿ 033/2013 տեխկանոնակարգի սահմանված պահանջներին։

։

Նմուշ N8

Ութերորդ համարի տակ (ՍԱՏՄ՝ 4-րդ) փորձաքննության է ներկայացվել ուկրաինական «Չիզ Լայֆ» (Cheese life) ապրանքանիշի «Mozzarella» (Մոցարելլա) սպիտակուցայուղային արտադրանքը՝ (արտադրության ամսաթիվը՝  16.10.2025)` 45% յուղայնությամբ և 491գ քաշով։ Արտադրող՝ «Андрушевский маслосырзавод» («Անդրյուշևսկի մասլոսիռզավոդ»)։ 

Ապրանքը Հայաստան է ներմուծում «ԼԻԱ-Կ ԳՐՈՒՊ» ընկերությունը։ 

«Մոցարելան» պանրի տեսակի անվանում է, «Չիզ Լայֆի» «Mozzarella»-ն, ըստ մակնշման, «սպիտակուցաճարպային արտադրանք» է, մինչդեռ ԵԱՏՄ տեխնիկական կանոնակարգերով նման հասկացություն պանրի և պանրային արտադրանքների համար սահմանված չէ։

Լաբորատոր փորձաքննության համաձայն՝ այս ապրանքը պարունակում է ընդամենը 1,8 % կաթնայուղ, այնինչ նույնիսկ պանրային արտադրանքի դեպքում կաթնայուղի պարունակությունը պետք է լինի առնվազն 50%.

Այսինքն՝ տվյալ ապրանքը չի նույնականացվում ո’չ որպես պանիր և ոչ էլ ո’չ որպես պանրային արտադրանք, սակայն մակնշված է «մոցարելա» պանրի անվանմամբ, հետևաբար, ապրանքը կեղված է և մոլորեցնում էսպառողին։ 

Բացի այդ, ապրանքը չունի պարտադիր EAC՝ Եվրասիական համապատասխանության նշան, ինչը մակնշման խախտում է։

։

Նմուշ N9

Իններորդ համարի տակ փորձաքննության է ներկայացվել ռուսական «Parmalat» (Պարմալատ)՝ առանց լակտոզի յոգուրտը՝ 130գ (պիտանելիության ժամկետը՝ 08.11.25-13.12.25)։ Արտադրող՝ «Белгородский молочный комбинат» («Բելգորոդի կաթնամթերքի գործարան»)։ 

Հայաստան է ներմուծում՝ «Լակտալիս Արմա» ընկերությունը։

Հայերեն մակնշումը դժվարընթեռնելի է և փակցված է օրգինալ մակնշման վրա՝ փակելով արտադրողի, բացելուց հետո օգտագործման պայմանների մասին տեղեկություն։ Սա ՄՄ ՏԿ 022/2011 խախտում է։

Լաբորատոր փորձաքննության արդյունքում այս ապրանքում խախտումներ չեն հայտնաբերվել. այն համապատասխանում է ՄՄ ՏԿ 033/2013 տեխկանոնակարգին։

։

Նմուշ N10

Տասներորդ համարի տակ փորձաքննության է ներկայացվել նորզելանդական «Anchor» սերուցքային կարագը՝ 82.9% կաթնայուղով 200գ (պիտանելիության ժամկետը՝ 07.01.25-08.07.26)։ Արտադրող՝ «Fonterra» (Ֆոնտերա) ընկերություն։ 

Լաբորատոր փորձաքննությամբ՝ «Anchor» կարագում խախտումներ չեն հայտնաբերվել. այն համապատասխանում է ՄՄ ՏԿ 033/2013 և ՄՄ ՏԿ 022/2011 տեխկանոնակարգերին։ 

։

Նմուշ N11

Տասնմեկերորդ համարի տակ փորձաքննության է ներկայացվել նորզելանդական մեկ այլ՝ «Доярушка» («Դոյարուշկա») 73,2% կաթնայուղով սերուցքային կարագը՝ 200գ տուփով (պիտանելիության ժամկետը՝ 20.01.25-21.07.26)։ Արտադրող՝ «Fonterra» (Ֆոնտերա) ընկերություն։ Հայաստան է ներմուծում «Ալեքս Էնդ Հոլդինգ» ընկերությունը։

Լաբորատոր փորձաքննությամբ՝ «Доярушка» կարագում ևս խախտումներ չեն հայտնաբերվել. այն համապատասխանում է ՄՄ ՏԿ 033/2013 և ՄՄ ՏԿ 022/2011 տեխկանոնակարգերին։ 

։

Նմուշ N12

Տասներկուերորդ համարի տակ փորձաքննության է ներկայացվել (այս ապրանքը փորձաքննվել է միայն «ՀԱԲԼԾԿ» լաբորատրիայում) ուկրաինական «Вершковий Рай» («Վերշկովիյ Ռայ») ապրանքանիշի «Голландец» («Գոլլանդեց») սպիտակուցաճարպային արտադրանքը (պիտանելիության ժամկետը 01.10.2025 — 30.03.2026)։ Արտադրող՝ «Хмельницкая маслосырбаза» («Խմելնիցկայա մասլոսիռբազա») ընկերությունը։

Ապրանքը Հայաստան է ներմուծում «Մեգաֆուդ» ընկերությունը։ 

Ըստ մակնշման՝ ճարպի/յուղի ընդհանուր զանգվածը չոր հումքում պետք է լինի 45%։  Այս ապրանքի վրա կա EAC նշան, սակայն հայերեն և օրիգինալ մակնշումները չեն համընկնում. օրինակ, օրիգինալ մակնշման համաձայն, այս ապրանքի բաղադրության մեջ կա E471, E322, E320, E321 սննդային հավելումները, որոնք, սակայն, չկան հայերեն մակնշման մեջ. օրիգինալ մակնշումը, ըստ տեխկանոնակարգերի և «Սննդամթերքի անվտանգության մասին» օրենքի, համարժեք են, հետևաբար, ապրանքը համարվում է կեղծված, քանի որ բաղադրությունները չեն համընկնում:

Լաբորատոր փորձաքննության համաձայն՝ «Голландец» արտադրանքում հայտնաբերվել են նաև աղիքային ցուպիկի խմբի մանրէներ (ԱՑԽՄ)։

Աղիքային ցուպիկի խմբի մանրէները կարող են առաջացնել աղիքային թունավոր վարակներ, իսկ պատրաստի սննդամթերքում դրանց առկայությունը վկայում է սանիտարական նորմերի, պահպանման, տեղափոխման և վաճառքի պայմանների և ջերմաստիճանի, ինչպես նաև՝ արտադրության տեխնոլոգիական պայմանների խախտման մասին:

Ուշագրավ է, որ այս արտադրանքը ևս, ինչպես, «Չիզ Լայֆի» «Mozzarella»-ն,  ըստ մանշման, նույնպես սպիտակուցաճարպային արդադրանք է, և վաճառվում է պանրի բաժնում, սակայն նույնպես չի նույնականացվում ո’չ որպես պանիր է և ոչ էլ՝ որպես պանրային արտադրանք։

Ըստ լաբորատոր փորձաքննության՝ այն պարունակում է ընդամենը 1% կաթնայուղ (նույնիսկ պանրային մթերքի համար առնվազն 50% է)։

Թեև ունի EAC նշան, սակայն հայերեն և օրիգինալ մակնշումները չեն համընկնում, ինչը, ըստ տեխկանոնակարգի և «Սննդամթերքի անվտանգության մասին» օրենքի, նշանակում է, որ ապրանքը կեղծված է։

։

Այսպիսով…

Փորձաքննված 12 նմուշներից 5-ում խախտումներ են հայտնաբերվել։ Մասնավորապես՝ 3 նմուշում (յոգուրտային և պանրային արտադրանքներ և թթվասեր) «Fruttis» 5%, «Нежный» 1,2% յոգուրտային արտադրանքներում, «Брест Литовск» 15% թթվասերում կաթնաթթվային մանրէների քանակը եղել է սահմանվածից 10 անգամ քիչ։

Նմուշներից մեկում՝ «Голландец» արտադրանքում հայտնաբերվել են աղիքային ցուպիկի խմբի մանրէներ։

Նմուշներից 2-ի ուսումնասիրության արդյունքում մենք բացահայտել ենք ապրանքների կեղծման, նույնականացման և մակնշման հետ կապված խնդիրներ։  

Մասնավորապես, «Mozzarella» ապրանքը ներկայացված է՝ որպես «սպիտակուցաճարպային արտադրանք», մինչդեռ ԵԱՏՄ տեխնիկական կանոնակարգերով նման հասկացություն պանրի և պանրային արտադրանքների համար սահմանված չէ։

«Մոցարելան» պանրի տեսակի անվանում է, սակայն, ըստ լաբորատոր փորձաքննության, այս ապրանքը պարունակում է ընդամենը 1,8 % կաթնայուղ, այնինչ նույնիսկ պանրային արտադրանքի դեպքում կաթնայուղի պարունակությունը պետք է լինի առնվազն 50%.

Այսինքն՝ տվյալ ապրանքը չի նույնականացվում ո’չ որպես պանիր և էլ ո’չ որպես պանրային արտադրանք, սակայն մակնշված է «մոցարելա» պանրի անվանմամբ, այսինքն՝ ապրանքը կեղված է և մոլորեցնում է սպառողին։ 

Բացի այդ, ապրանքը չունի պարտադիր EAC՝ Եվրասիական համապատասխանության նշան, ինչը մակնշման խախտում է։ 

«Голландец» արտադրանքը, ըստ մանշման, նույնպես սպիտակուցաճարպային արդադրանք է, ու չնայած որ վաճառվում է պանրի բաժնում, ոչ պանիր է և ոչ էլ պանրային արտադրանք։ Ըստ լաբորատոր փորձաքննության՝ այն պարունակում է 1% կաթնայուղ։

Թեև ունի EAC նշան, սակայն հայերեն և օրիգինալ մակնշումները չեն համընկնում, ինչը, ըստ տեխկանոնակարգի և «Սննդամթեիք անվտանգության մասին» օրենքի, նշանակում է, որ ապրանքը կեղծված է։

Նշենք, որ նյութի հրապարակման պահին ՍԱՏՄ-ն արդեն իսկ վերահսկողություն է իրականացնում խախտումներ ունեցող ապրանքները ներմուծող «Լ․Դ․Լ», «Լիա-Կ Գրուպ», «Դերժավա» և «Մեգա Ֆուդ» ընկերություններում։

։

Տեսանյութն ու լուսանկարները՝ Նարեկ Ալեքսանյանի

Сообщение Ներմուծված կաթնամթերքը. 12 նմուշից 5-ում խախտում է հայտնաբերվել появились сначала на anvtangsnund.am.

Մասնավորապես, մի շարք վաճառքի օբյեկտներում` «Պարմա», «Զովք», «Սիթի», «Սաս», իրականացվել են հսկիչ գնումներ, որոնց արդյունքում ձեռք բերված շաքարավազի 9 նմուշներ («Чайкофский», «Кубань матушка сахар», «Степь Агрохолдинг сахар песок», «Մառանիկ», «Ոսկե ջրաղաց» անվանումներով, «Շաքարավազ սպիտակ/Ալեքս & Հոլդինգ ՍՊԸ», «Հատիկավոր շաքարավազ/ԱՁ Հովհաննես Սաֆարյան», «Շաքարավազ/ SAS փաթեթավորմամբ» և «Շաքարավազ կգ/ գնված YEREVAN CITY») ուղարկվել են լաբորատոր փորձաքննության  դրանցում սախարոզի և խոնավության զանգվածային մասը պարզելու նպատակով։

Փորձարկման արձանագրությունները ցույց են տվել, որ բոլոր նմուշները նշված ցուցանիշներով համապատասխանում են սահմանված պահանջներին (ԳՕՍՏ 33222-2015)։

Сообщение Շաքարավազի 9 նմուշում ստուգվել են սախարոզի և խոնավության ցուցանիշները появились сначала на anvtangsnund.am.

Փորձարկումներն իրականացվել են երեք ուղղություններով՝

1․ Բուսասանիտարական փորձարկումներ՝ համաձայն Մաքսային Միության հանձնաժողովի 2010 թվականի հունիսի 18-ի թիվ 318 որոշմամբ հաստատված «Եվրասիական տնտեսական միությունում բույսերի կարանտինի ապահովման մասին» պահանջների,

2․ անվտանգության ցուցանիշների փորձարկումներ՝ համաձայն Մաքսային Միության «Հացահատիկի անվտանգության մասին» 015/2011 տեխնիկական կանոնակարգի պահանջների,

3․ որակի ցուցանիշների փորձարկումներ՝ համաձայն ԳՈՍՏ 9353-2016 «Ցորեն․ տեխնիկական պայմաններ» ստանդարտի պահանջների:

Փորձարկումների արդյունքները

1․ Բուսասանիտարական փորձարկումների ընթացքում իրականացված միջատաբանական, բուսաախտաբանական և մոլախոտաբանական հետազոտությունների արդյունքում կարանտին վնասակար օրգանիզմներ չեն հայտնաբերվել,

2․ անվտանգության ցուցանիշների փորձարկումների շրջանակում հետազոտվել են թունավոր տարրերը (ծանր մետաղները), պեստիցիդները, միկոտոքսինները և ռադիոակտիվությունը։ Արդյունքում սահմանային թույլատրելի խտություններից շեղումներ չեն արձանագրվել,

3․ որակի ցուցանիշների լաբորատոր հետազոտությունները դեռ ընթացքում են, արդյունքները կհրապարակվեն պատրաստ լինելուն պես:

Հիշեցնենք, որ ղազախական 1000 տոննա ցորենով բեռնված գնացքը ժամանել է Հայաստան նոյեմբերի 8-ին՝ անցնելով Ղազախստանի, Ռուսաստանի, Ադրբեջանի և Վրաստանի տարածքով։

Մինչ այդ, Ադրբեջանի և Վրաստանի տարածքով՝ գնացքով, Հայաստան էր տեղափոխվել նաև ՌԴ–ից ձեռք բերված ցորենը։

Сообщение ՍԱՏՄ-ն փորձաքննել է Ադրբեջանի տարածքով ներկրված ղազախական ցորենը появились сначала на anvtangsnund.am.

Ըստ արդյուքների՝ միայն մեկ՝ մածուն (5%), արտադրատեսակի նմուշը աղիքային ցուպիկի խմբի մանրէներ (ԱՑԽՄ), ցուցանիշով չի համապատասխանել Մաքսային Միության տեխնիկական կանոնակարգով սահմանված պահանջներին:

«Բիոկաթ» ՍՊԸ-ի կաթնամթերքի արտադրամասի արտադրական գործունեության առանձին գործառույթը՝ մածուն (5%) արտադրատեսակի արտադրությունը, կասեցվել է, սահմանվել է հայտնաբերված խախտումները վերացնելու ժամկետ:

Աղիքային ցուպիկի խմբի մանրէները կարող են առաջացնել աղիքային թունավոր վարակներ, իսկ պատրաստի սննդամթերքում դրանց առկայությունը վկայում է սանիտարական նորմերի, պահպանման, տեղափոխման և վաճառքի պայմանների և ջերմաստիճանի, ինչպես նաև՝ արտադրության տեխնոլոգիական պայմանների խախտման մասին:

Արտադրողին տրվել է խմբաքանակների իրացումն արգելելու, շուկայից հետ կանչելու, ոչնչացնելու կամ օգտահանելու մասին կարգադրագիր, հանձնարարվել է ապահովել արտադրանքի համապատասխանությունը գործող տեխնիկական կանոնակարգերին:

Сообщение «Բիոկաթի» մածունում աղիքային ցուպիկ է հայտնաբերվել появились сначала на anvtangsnund.am.