Ըստ փորձաքննության արդյունքների՝ «հավի միս պաղեցված» արտադրատեսակի նմուշը՝ «ախտածին ա/թ սալմոնելաներ», իսկ «հավի միս սառեցված» արտադրատեսակի նմուշը՝ «տեխնոլոգիապես ավելացված խոնավության զանգվածային մաս» ցուցանիշներով չեն համապատասխանել Մաքսային Միության կանոնակարգերով սահմանված պահանջներին։

Սալմոնելա բակտերիաները կարող են հայտնվել թռչնամսում երկու դեպքում՝ եթե թռչունները հիվանդ են եղել դեռ կենդանի ժամանակ, կամ եթե մորթից հետո միսը աղտոտվել է սանիտարական անբավարար պայմանների հետևանքով։ Սալմոնելան կարող է առաջացնել սալմոնելյոզ՝ սուր աղիքային վարակ՝ ախտանիշներով՝ բարձր ջերմություն, փորլուծություն, փսխում։ Հատկապես վտանգավոր է երեխաների, տարեցների և խոցելի խմբերի համար։

Ավելացված խոնավություն նշանակում է, որ մսամթերքում հայտնաբերվել է բնական խոնավությունից բարձր խոնավության մակարդակ, ինչը կարող է լինել ջրի ավելացման հետևանք։ Եթե խոնավության զանգվածային բաժինը գերազանցում է սահմանված տեխնոլոգիական նորմերը, ապա այն չի համապատասխանում սահմանված պահանջներին։ Այդպիսի մսամթերքը կարող է ունենալ փոխված կառուցվածք և ֆիզիկաքիմիական հատկանիշներ։

ՍԱՏՄ ղեկավարի որոշմամբ՝ թռչնամսի արտադրամասի արտադրական գործունեությունը կասեցվել է, սահմանվել է խախտումները վերացնելու ժամկետ:

Сообщение Սալմոնելա և ավելացված խոնավություն «Արաքս թռչնաֆաբրիկա»-ի հավի մսերում. արտադրությունը կասեցվել է появились сначала на anvtangsnund.am.

Պետական եկամուտների կոմիտեն տեղեկացնում է, որ ՊԵԿ ներքին անվտանգության վարչության և ՊԵԿ ԱՏԳ մաքսային սպասարկման  և հսկողության վարչության աշխատակիցներն օրերս մասնակցել են «Արմեն-Համիկ եղբայրներ» ընկերության  կողմից 13 հազար 500 կգ ընդհանուր քաշով հավի մսի ոչնչացմանը: Գործողությունը կատարվել է Կոտայքի մարզի Ակունք համայնքի Կոտայք գյուղում` ՀՀ սննդամթերքի անվտանգության տեսչական մարմնի կողմից տրված համապատասխան եզրակացության հիման վրա:

Ապրանքների ոչնչացումը կատարվել է թաղման եղանակով։

Նույն օրը` օգտագործման համար ոչ պիտանի ապրանքների թաղման եղանակով ոչնչացումից հետո, ՊԵԿ ներքին անվտանգության վարչության ու հետաքննության և օպերատիվ հետախուզության վարչության աշխատակիցների կողմից իրականացված դիտարկումների արդյունքում պարզվել է, որ նշված ընկերության ներկայացուցիչներն այցելել են ոչնչացման վայր և քանդող տեխնիկայով կատարել են հողի քանդման և թաղված հավի միսը հողի տակից հանելու աշխատանքներ, որից հետո հանված ապրանքները տեղափոխել են «Արմեն-Համիկ եղբայրներ» ՍՊ ընկերության տարածք։

Իրականացված օպերատիվ-հետախուզական միջոցառումների արդյունքում, «Արմեն-Համիկ եղբայրներ» ՍՊ ընկերության տարածքի պահեստային սառնարաններում ՊԵԿ ներքին անվտանգության ու հետաքննության և օպերատիվ հետախուզության վարչությունների աշխատակիցները հայտնաբերել են հողի տակից հանված ապրանքները, որոնց  տուփերին առկա են եղել հողի ակնհայտ հետքեր։

Կազմվել են համապատասխան արձանագրություններ, վերցվել են փորձանմուշներ։

Դեպքի վերաբերյալ կազմված նյութերի հիման վրա հաղորդում է ներկայացվել ՀՀ քննչական կոմիտե:

Сообщение Ընկերությունը հողի տակից հանել է ոչնչացված 13,5 տոննա հավի միսը появились сначала на anvtangsnund.am.

Մասնավորապես, թռչնամսում հայտնաբերվել է լիստերիա (Listeria monocytogenes)։

Հիշեցնենք, որ օրեր առաջ ՍԱՏՄ-ն նույն խախտման պատճառով արգելել էր 48 տոննա թռչնամսի ներկրումը Բրազիլիայից։

Լուսանկարը՝ Ալեքսանդր Պլոնսկի / ВиЖ

Сообщение Լիստերիայի պատճառով արգելվել է ևս 48 տոննա բրազիլական թռչնամսի ներկրումը появились сначала на anvtangsnund.am.