Սոցիալական նշանակություն ունեցող որոշ բանջարեղենների ներմուծման համար միջսեզոնային շրջանում կգործի մաքսատուրքի ժամանակավոր արտոնություն։ Այդ մասին որոշում է ընդունել Եվրասիական տնտեսական հանձնաժողով-ի խորհուրդը։

Որոշմամբ նախատեսվում է ներմուծման մաքսատուրքից ազատել մանրածախ առևտրի համար նախատեսված մի շարք բանջարեղեններ։

Հայաստանի դեպքում որոշմամբ նախատեսված է միայն մեկ ապրանքատեսակ՝ սոխի ներմուծում՝ մինչև 5 հազար տոննա ծավալով։

Ընդհանուր առմամբ՝ ներմուծման արտոնությունների ամենամեծ ծավալը նախատեսված է Ղազախստանի համար․ այստեղ նախատեսվում է միաժամանակ մի քանի բանջարեղենի մատակարարում՝ կարտոֆիլ, սոխ, սպիտակ կաղամբ և գազար։ Տեսակների առավել մեծ բազմազանություն նախատեսված է Ղրղզստանի համար, որտեղ արտոնությունը վերաբերում է մի քանի ապրանքատեսակի՝ կարտոֆիլ, ծաղկակաղամբ և բրոկոլի, վարունգ, սմբուկ, քաղցր պղպեղ և լոլիկ։

Մասնավորապես, նախատեսվում է կարտոֆիլի մատակարարում՝ մինչև 100 հազար տոննա Ղազախստան և մինչև 50 հազար տոննա՝ Ղրղզստան։

Բացի այդ, նախատեսվում է սոխի մատակարարում մինչև 100 հազար տոննա՝ Ղազախստան։

Տարեկան արտոնությունը վերաբերում է նաև հետևյալ բանջարեղեններին․

• ծաղկակաղամբ և բրոկոլի՝ մինչև 600 տոննա Բելառուս և մինչև 500 տոննա՝ Ղրղզստան,
• սպիտակ կաղամբ՝ մինչև 35 հազար տոննա Ղազախստան,
• գազար՝ մինչև 30 հազար տոննա Ղազախստան,
• վարունգ՝ մինչև 400 տոննա Ղրղզստան,
• սմբուկ՝ մինչև 200 տոննա Բելառուս, մինչև 200 տոննա Ղրղզստան և մինչև 6,6 հազար տոննա՝ Ռուսաստան,
• քաղցր պղպեղ՝ մինչև 5,2 հազար տոննա Բելառուս, մինչև 2 հազար տոննա Ղրղզստան և մինչև 27 հազար տոննա՝ Ռուսաստան։

«Ավանդաբար միջսեզոնային շրջանում բանջարեղենի շուկայում նկատվում են սպառողական գների զգալի տատանումներ, ինչը առաջին հերթին պայմանավորված է տեղական արտադրության ապրանքների պաշարների ավարտով։ Ընդունված միջոցը թույլ կտա ապահովել ներքին շուկայում լրացուցիչ առաջարկ և բարձրացնել բանջարեղենի հասանելիությունը բնակչության համար»,-նշել է Եվրասիական տնտեսական հանձնաժողովի առևտրի հարցերով նախարար Անդրեյ Սլեպնևը։

Արտոնությունը կգործի մինչև 2026 թվականի հունիսի 30-ը։

Բացի այդ, մինչև 2026թ. մայիսի 31-ը կգործի նաև մաքսատուրքի արտոնություն՝ մինչև 5 հազար տոննա լոլիկի ներմուծման համար դեպի Ղրղզստան։

Որոշումն ուժի մեջ կմտնի պաշտոնական հրապարակումից 10 օր անց։

Сообщение Հայաստանն առանց մաքսատուրքի սոխ կներմուծի появились сначала на anvtangsnund.am.

Եվրասիական տնտեսական հանձնաժողովի (ԵՏՀ) խորհուրդը որոշում է ընդունել՝ ըստ որի մի շարք երկրների, այդ թվում՝ Հայաստանը կազատվեն մաքսատուրքից կակաոյի հատիկների վերամշակման միջանկյալ արտադրանքների ներմուծման ժամանակ։

Խոսքը, մասնավորապես, վերաբերում է չյուղազրկված կակաոյի մածուկին, կակաոյի յուղին և կակաոյի ճարպին (ԵԱՏՄ ԱՏԳ ԱԱ 1803 10 000 0 և 1804 00 000 0 կոդեր)։

Ըստ որոշման՝ Հայաստանը կարող է ներմուծել առավելագույնը 300 տոննա կակաոյի մածուկ և 200 տոննա կակաոյի յուղ կամ ճարպ՝ առանց մաքսատուրքի։

Միաժամանակ, սահմանվել են նաև ներմուծման առավելագույն ծավալներ մյուս երկրների համար․

• Բելառուս – մինչև 5,5 հազար տոննա կակաոյի մածուկ և 3,5 հազար տոննա կակաոյի յուղ,

• Ղրղզստան – մինչև 300 տոննա (միայն կակաոյի ճարպ),

• Ռուսաստան – մինչև 37 հազար տոննա՝ նշված երկու արտադրատեսակների ընդհանուր ծավալով։

Մաքսատուրքից ազատման այս միջոցառումը գործելու է մինչև 2027 թվականի ապրիլի 30-ը ներառյալ։

«Նշված արտադրանքը օգտագործվում է հրուշակեղենի արտադրողների կողմից՝ շոկոլադի, շոկոլադե կոնֆետների և շոկոլադե այլ արտադրատեսակների պատրաստման համար, ինչպես նաև կիրառվում է դեղագործական և օծանելիքի արդյունաբերությունում», – նշել է ԵՏՀ առևտրի նախարար Անդրեյ Սլեպնևը։

Նրա խոսքով՝ «սակագնային արտոնության կիրառումը թույլ կտա ապահովել կազմակերպությունների աշխատանքի արդյունավետությունը՝ հումքի արժեքի նվազեցման հաշվին»։

Նախարարն ընդգծել է նաև, որ ներկայումս հրուշակեղենի ոլորտի ձեռնարկություններից մեկը իրականացնում է ներդրումային նախագիծ՝ կակաոյի հատիկների ամբողջական ցիկլով վերամշակման հզորությունների մեծացման նպատակով։ Սակայն այդ նախագիծը նախատեսվում է ավարտել միայն 2029 թվականին։

Միևնույն ժամանակ նշվում է, որ մաքսային արտոնությամբ ներմուծվող հումքը կարող է օգտագործվել միայն Հայաստանի կամ Բելառուսի տարածքում։

Որոշումը ուժի մեջ կմտնի պաշտոնական հրապարակումից տասը օր անց։

Հիշեցնենք, որ վերջերս Հայաստանը ներմուծման արտոնությունն էր ստացել նաև շաքարեղեգի հումքի մասով։

Сообщение Հայաստանն առանց մաքսատուրքի կակաոյի հումք կներմուծի появились сначала на anvtangsnund.am.

Եվրասիական տնտեսական հանձնաժողովի խորհուրդը Հայաստանին, ինչպես նաև՝ Ղազախստանին և Ղրղզստանին, 2026թ. համար տվել է մաքսատուրքից ազատման արտոնություն՝ արդյունաբերական վերամշակման համար նախատեսված եղեգնաշաքարի հումքի ներմուծման համար։

Սահմանված քվոտայի համաձայն՝

• Հայաստան կարող է ներմուծվել ոչ ավելի, քան 20 հազար տոննա եղեգնաշաքարի հումք,

• Ղազախստան՝ մինչև 100 հազար տոննա,

• Ղրղզստան՝ մինչև 20 հազար տոննա։

Արտոնությունը գործելու է ամբողջ 2026 թվականի ընթացքում։

«Այս որոշումը կայացվել է Հայաստանի, Ղազախստանի և Ղրղզստանի ներքին շուկաներում մրցակցային գներով շաքարի և շաքար պարունակող արտադրանքի կայուն մատակարարումն ապահովելու, այդ ապրանքների պակասը կանխելու և շաքարի վերամշակման գործարաններում աշխատուժը պահպանելու համար», — նշել է ԵՏՀ առևտրի նախարար Անդրեյ Սլեպնևը։

Միևնույն ժամանակ, ընդգծվել է, որ ներմուծված եղեգնաշաքարի հումքի արդյունաբերական վերամշակման արդյունքում ստացված սպիտակ շաքարը չի կարող արտահանվել Եվրասիական տնտեսական միության այլ անդամ երկրներ։

Сообщение Հայաստանը շաքարեղեգի հումք կներմուծի առանց մաքսատուրքի появились сначала на anvtangsnund.am.

2026թ. հունվարի 22-ից Հայաստանը, Բելառուսն ու Ղրղզստանը կստանան մաքսային արտոնություն էլեկտրական տրանսպորտային միջոցների ներմուծման համար։

Մասնավորապես, ուժի մեջ է մտնելու Եվրասիական տնտեսական հանձնաժողովի խորհրդի 2025թ. դեկտեմբերի 5-ի N 111 որոշումը, որով այս երեք երկրները  էլէկտրոմոբիլներ ներմուծման ժամանակ կազատվեն մաքսատուրքից։

Արտոնությունը տարածվում է՝

• մաքուր էլեկտրամոբիլների (ԵԱՏՄ ԱՏԳ ԱԱ կոդ՝ 8703 80 000 3),

• «հետևողական հիբրիդների» (sequential / series hybrid) վրա (ԵԱՏՄ ԱՏԳ ԱԱ կոդ՝ 8703 80 000 5)։

Ներմուծումը կատարվում է սահմանված քվոտաների շրջանակում։ Հայաստանի և Ղրղզստանի համար նախատեսված է մինչև 15 000 հատ մեքենա ամեն երկրին, Բելառուսի համար՝ 20 000 հատ մաքուր էլեկտրամոբիլների համար։

Նշենք, որ քվոտայի շրջանակում ներմուծվող տրանսպորտային միջոցները կազատվեն ներմուծման մաքսատուրքից միայն այն պայմանով, որ դրանք օգտագործվեն և հաշվառվեն տվյալ երկրի տարածքում։

Հունվարի 22-ից ուժի մեջ կմտնեն Հանձնաժողովի ակտերը, որոնք փոփոխություններ են մտցնում Եվրասիական տնտեսական միության որոշակի տեսակի տրանսպորտային միջոցների համար նախատեսված Տրանսպորտային միջոցների կանոնակարգում (ԵՏՀ խորհրդի 2025թ. դեկտեմբերի 23-ի N 110 որոշում և ԵՏՀ խորհրդի 2025թ. սեպտեմբերի 23-ի թիվ 81 որոշում):

Сообщение Զրոյական մաքսատուրք Հայաստան ներմուծվող էլեկտրամոբիլների համար. ԵԱՏՄ որոշումը появились сначала на anvtangsnund.am.

Եվրասիական տնտեսական միության (ԵԱՏՄ) անդամ պետությունները դեկտեմբերի 29-ին ստորագրել են արձանագրություն, որով փոփոխություններ են կատարվում բժշկական արտադրանքների (բժշկական նշանակության արտադրանք և բժշկական տեխնիկա) շրջանառության միասնական սկզբունքների և կանոնների վերաբերյալ համաձայնագրում։

Ըստ այդ փոփոխությունների՝ ազգային կանոններով բժշկական արտադրանքների գրանցման անցումային շրջանը երկարաձգվում է մինչև 2028թ.։

Արձանագրության համաձայն՝ մինչև 2027թ. դեկտեմբերի 31-ը հնարավոր կլինի բժշկական արտադրանքների փորձաքննության և գրանցման հայտեր ներկայացնել՝

• ինչպես ԵԱՏՄ իրավական նորմերի,

• այնպես էլ՝ անդամ պետության ազգային օրենսդրության համաձայն։

Մինչ այս փոփոխությունը նման հնարավորություն նախատեսված էր միայն մինչև 2025թ. դեկտեմբերի 31-ը, իսկ նախատեսվում էր, որ 2026թ. հունվարի 1-ից բժշկական արտադրանքների գրանցումը կիրականացվի բացառապես ԵԱՏՄ միասնական կանոններով։

Փաստաթղթի ընդունմամբ՝ ԵԱՏՄ երկրները լրացուցիչ ժամանակ են ստանում ազգային գրանցման համակարգերը հարմարեցնելու և փուլային կերպով բժշկական արտադրանքների միասնական գրանցման համակարգին անցնելու համար։

Փոփոխություններն ուժի մեջ կմտնեն 2026թ. հունվարի 8-ից՝ ստորագրման օրվանից հետո 10 օրացուցային օրվա ավարտից հետո։ Փաստաթուղթը ամբողջությամբ ուժի մեջ կմտնի այն պահից, երբ Եվրասիական տնտեսական հանձնաժողովը ստանա ԵԱՏՄ բոլոր անդամ պետությունների կողմից անհրաժեշտ ներպետական ընթացակարգերի ավարտի մասին վերջին գրավոր ծանուցումը։

Сообщение Մինչև 2028թ. ԵԱՏՄ-ում բժշկական արտադրանքները կգրանցվեն ազգային օրենսդրությամբ появились сначала на anvtangsnund.am.

2025թ.ի դեկտեմբերի 21-ին լրանում է Եվրասիական տնտեսական միության (ԵԱՏՄ) Մաքսային միության ճարպայուղային արտադրանքի տեխնիկական կանոնակարգում (ՄՄ ՏԿ 024/2011) կատարված փոփոխությունների հիմնական անցումային դրույթների ժամկետը. այսուհետ արտադրողները պարտավոր են ամբողջությամբ համապատասխանեցնել արտադրանքը տեխկանոնակարգի նոր պահանջներին։

Հիշեցնենք, որ «Ճարպայուղային արտադրանքի տեխնիկական կանոնակարգում»  փոփոխություններն ընդունվել են դեռևս Եվրասիական տնտեսական հանձնաժողովի խորհրդի 2023թ. դեկտեմբերի 12-ի №149 որոշմամբ և ուժի մեջ են մտել 2024թ. դեկտեմբերի 22-ից։

Փոփոխությունները հստակեցնում են տեխնիկական կանոնակարգի մի շարք դրույթներ, որոնք վերաբերում են սննդային ճարպայուղային արտադրանքի սահմանումներին, մակնշման պահանջներին, արտադրության և փոխադրման գործընթացներին, ինչպես նաև՝ վերացնում են փաստաթղթի առանձին նորմերի երկիմաստ մեկնաբանությունները։

Մինչ այդ արտադրողների համար նոր պահանջներին սահուն անցում ապահովելու նպատակով Հանձնաժողովի կոլեգիայի որոշմամբ սահմանվել էր 12-ամսյա անցումային շրջան, որի ընթացքում թույլատրվում էր Մաքսային միության տարածքում արտադրել և շրջանառության մեջ դնել ճարպայուղային արտադրանք՝ նախկինում գործող պահանջներին համապատասխան (նման արտադրանքի շրջանառությունը թույլատրվում է արտադրողի կողմից սահմանված պիտանելիության ժամկետի ընթացքում)։

Միևնույն ժամանակ, տեխնիկական կանոնակարգում կատարված փոփոխություններով, սահմանվել է նաև պահանջ չտեմպերացվող, ոչ լաուրինային տիպի կակաոյի կարագի փոխարինիչների համար՝ «ճարպաթթուների տրանսիզոմերներ» ցուցանիշի մասով, որն ուժի մեջ կմտնի 2026թ. հունվարի 1-ից։

Այդ պահից նշված փոխարինիչներում ճարպաթթուների տրանսիզոմերների պարունակությունը չպետք է գերազանցի արտադրանքի ընդհանուր ճարպի 2%-ը։

Հաշվի առնելով, որ տեխնիկական կանոնակարգի փոփոխությունների անցումային դրույթները ավարտվում են նոր պահանջի ուժի մեջ մտնելուց առաջ, անհրաժեշտություն է առաջացել այդ պահանջի համար առանձին անցումային շրջան սահմանել ևս մեկ տարով՝ մինչև 2026 թվականի դեկտեմբերի 31-ը։

Այս կապակցությամբ Եվրասիական տնտեսական հանձնաժողովի կոլեգիան 2025թ. նոյեմբերի 26-ին №106 որոշմամբ լրացրել է անցումային դրույթները 2 ենթակետերով։ Դրանք նախատեսում են, որ չտեմպերացվող, ոչ լաուրինային տիպի կակաոյի կարագի փոխարինիչների համապատասխանության գնահատման փաստաթղթերը, որոնք տրամադրվել կամ ընդունվել են տեխնիկական կանոնակարգի №2 փոփոխությունների ուժի մեջ մտնելուց հետո, գործում են մինչև 2026թ. դեկտեմբերի 31-ը։

Մինչև 2026թ. դեկտեմբերի 31-ը թույլատրվում է նաև Մաքսային միության մաքսային տարածքում արտադրել և շրջանառության մեջ դնել չտեմպերացվող, ոչ լաուրինային տիպի կակաոյի կարագի փոխարինիչներ՝ առանց հաշվի առնելու «ճարպաթթուների տրանսիզոմերներ» ցուցանիշի պահանջները, որոնք ուժի մեջ կմտնեն 2026 թվականի հունվարի 1-ից՝ պայմանով, որ առկա լինեն գործող համապատասխանության գնահատման փաստաթղթեր։

Сообщение Փոփոխվում են ճարպայուղային արտադրանքի պահանջները․ ինչ պետք է իմանան արտադրողները появились сначала на anvtangsnund.am.

Օրերս Եվրասիական տնտեսական հանձնաժողովի (ԵՏՀ)  խորհուրդը քննարկել է Եվրասիական տնտեսական միության անդամ պետությունների մի շարք նախաձեռնություններ և որոշումներ է կայացրել սննդամթերքի որոշ տեսակների և կոսմետիկ արտադրանքի մակնշման միասնական կանոններ սահմանելու վերաբերյալ։ 

Ընդունված փաստաթղթերի համաձայն՝ ԵԱՏՄ անդամ պետությունները ինքնուրույն կորոշեն իրենց տարածքներում նույնականացման գործիքներով ապրանքների մակնշման ներդրման ամսաթիվն ու կարգը, սակայն դրանք ուժի մեջ մտնելուց առնվազն 6 ամիս առաջ պետք է այդ մասին տեղեկացնեն ԵՏՀ-ին։

Բացի այդ, ամեն երկրի համար երաշխավորված կլինի միասնական պահանջներին համապատասխան մշակված այլ պետությունների նույնականացման գործիքների ճանաչումը։

«Հանձնաժողովն ընդունել է հիմնարար որոշումների համապարփակ փաթեթ, որն ուղղված է ԵԱՏՄ հիմնարար ազատություններից մեկի ապահովմանը։ Ձեռք բերված համաձայնությունների շնորհիվ հնարավոր կլինի ապահովել պայմաններ Միության ներսում ապրանքների լայն տեսականու անարգել տեղաշարժի համար և կանխել ներքին շուկայում խոչընդոտների առաջացումը», — նշել է ԵՏՀ առևտրի նախարար Անդրեյ Սլեպնևը։

Որոշում է ընդունվել նաև աստիճանաբար անցում կատարել մորթուց պատրաստված արտադրանքի մեջ վերահսկիչ նույնականացման նշանների օգտագործումից դեպի ավելի ժամանակակից Data Matrix տեխնոլոգիա:

Փաստաթղթի համաձայն՝ մորթուց պատրաստված արտադրանքը կարող է մակնշվել RFID-ով՝ մինչև 2026թ. փետրվարի 28-ը ներառյալ: Դրանից հետո նման արտադրանքի մակնշման համար կօգտագործվի Data Matrix-ը։

Data Matrix – երկչափ շտրիխ-կոդ է, որը տեղադրվում է արտադրանքի փաթեթավորման վրա։ Այն հնարավոր է արագ սկանավորել տեսախցիկով՝ ստանալով ապրանքի մասին անհրաժեշտ տեղեկությունը։

RFID (Radio Frequency Identification) – ռադիոհաճախականային նույնականացման տեխնոլոգիա է, որի դեպքում ապրանքի վրա տեղադրված փոքրիկ չիպը կարող է ընթերցվել հեռավորությունից՝ առանց մոտ պահելու կամ տեսնելու։

Այնուամենայնիվ, հաշվի առնելով, որ մորթուց պատրաստված իրերը երկարաժամկետ օգտագործման արտադրանք են, նախորդ տեխնոլոգիայով մակնշված արտադրանքների վաճառքը կթույլատրվի ևս մեկ տարի՝ մինչև 2027թ. մարտի 1-ը։

Նշվում է, որ այս միջոցառումները թույլ կտան «բիզնեսներին անխափան վաճառել իրենց մնացած պաշարները և պատրաստվել մակնշման նոր մեթոդին աստիճանական անցմանը»:

Сообщение Մակնշման փոփոխություններ սննդի, կոսմետիկայի և մորթուց արտադրանքի համար. ԵԱՏՄ նոր որոշումները появились сначала на anvtangsnund.am.

Այսօր Եվրասիական տնտեսական հանձնաժողովի կոլեգիան որոշում է ընդունել, որով մինչև 2028թ. դեկտեմբերի 31-ը շիի, շորեայի, սալային ընկույզի (shea nuts, shorea nuts, sal nuts),  հնդկական գարցինիայի սերմերի (ԵԱՏՄ ԱՏԳ կոդ 1207 99 960 1) և մանգոյի հատիկների (ԵԱՏՄ ԱՏԳ կոդ 1212 99 950 1) ներմուծման մաքսատուրքերը սահմանել մաքսային արժեքի 0%-ի չափով։

«Այս միջոցառումը նպատակ ունի աջակցել էկզոտիկ հումք վերամշակող ընկերություններին, որոնք արտադրում են հատուկ ճարպեր, ստեարիններ, կակաոյի յուղի համարժեքներ և փոխարինիչներ, որոնք օգտագործվում են ճարպայուղային, հրուշակեղենի և կոսմետիկայի արդյունաբերություններում», — նշել է Եվրասիական տնտեսական հանձնաժողովի մաքսային, սակագնային և ոչ սակագնային կարգավորման վարչության տնօրեն Վահագն Ղազարյանը։

Նշվում է, որ մաքսային բեռի նվազեցումը կնպաստի վերամշակող ոլորտի կայուն աշխատանքին և մրցունակ արտադրանքի թողարկմանը ԵԱՏՄ շուկայում։

Сообщение 3 տարով զրոյացվել են ընկույզի, սերմերի և կորիզների որոշ տեսակների մաքսատուրքերը появились сначала на anvtangsnund.am.

ԵԱՏՄ-ն էական ներդրում է կատարում գլոբալ պարենային ապահովվածության ամրապնդման գործում։ Այս մասին օրերս հայտնել է  Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը Միավորված ազգերի պարենի և գյուղատնտեսական կազմակերպության (ՊԳԿ) կենտրոնակայանում՝ Հռոմում։ 

«Հասկանալով գլոբալ պարենային ապահովվածության կարևորությունը՝ Եվրասիական տնտեսական միության պետությունները կարևոր ներդրում են կատարում սովի դեմ պայքարում՝ բարձրորակ արտադրանք մատակարարելով համաշխարհային ագրարային շուկա: Միությունը ցորենի, արևածաղկի յուղի և սառեցրած ձկան աշխարհի առաջատար արտահանողն է, ցորենի ալյուրի և կանճրակի յուղի՝ մեծությամբ երկրորդ և գարու և քուսպի՝ երրորդ արտահանողն է», — նշել է ԵՏՀ նախարարը:

Գոհար Բարսեղյանը աշխատանքային հանդիպում է անցկացրել ՊԳԿ գլխավոր տնօրենի առաջին տեղակալ Մաուրիցիո Մարտինիի հետ։

Քննարկվել են ԱԱՀ-ում փոխգործակցության ապագա ուղղությունները, մասնավորապես՝ անդամ երկրների տնտեսությունների կայուն զարգացման պայմանների ապահովումը, ագրարային ոլորտի բազմակողմ արդիականացումը, կոոպերացիայի խթանումը և ազգային տնտեսությունների մրցունակության բարձրացումը։

Աշխատանքային հանդիպումներին մասնակցել են նաև ԵԱՏՄ երկրների դիվանագիտական առաքելությունների ղեկավարներ և ՊԳԿ-ի ավելի քան 20 անդամ պետությունների ներկայացուցիչներ:

Քննարկվել են ագրոարդյունաբերական համալիրում ինտեգրման հեռանկարային ուղղությունները և խորացման հարցեր:

«Համոզված եմ, որ «հնգյակի» երկրների համատեղ գործողությունները թույլ կտան դիմակայել աշխարհում ի հայտ եկող մարտահրավերներին և ամրապնդել Միության՝ որպես գլոբալ պարենային ապահովվածության ոլորտի կարևորագույն գործընկերոջ կարգավիճակը, — ընդգծել է Գոհար Բարսեղյանը: -Եվրասիական տնտեսական հանձնաժողովն անդամ պետությունների հետ սերտ փոխգործակցությամբ պատրաստ է շարունակել և խորացնել ռազմավարական գործընկերությունը տարածաշրջանային կազմակերպությունների և երկրների հետ բոլորի համար ավելի կայուն, ներառական և սովից ազատ ապագա ստեղծելու համար»:

Նշենք, որ միջոցառումը կազմակերպվել է Բելառուսի նախագահության շրջանակներում:

Сообщение ԵԱՏՄ ներդրումը գլոբալ պարենային ապահովվածության գործում. ինչ է քննարկվել Հռոմում появились сначала на anvtangsnund.am.

Օրերս Սպառողների պաշտպանության հարցերով խորհրդատվական կոմիտեի նիստում ամփոփվել են «2025 թվականի ռազմավարության» համապատասխան միջոցառումների հնգամյա իրականացման արդյունքները։

 «Սպառողների իրավունքների պաշտպանության ոլորտուն համագործակցությունը հասել է սկզբունքորեն նոր մակարդակին: Առաջին անգամ ընդունվել է Միության երկրների համատեղ գործողությունների ծրագիրը, որ ժամանակին և անհրաժեշտ քայլ էր ԵԱՏՄ շրջանակներում սպառողների իրավունքների պաշտպանության հուսալի մեխանիզմի ձևավորման համար: Այս ուղղությամբ համատեղ աշխատանքի արդյունքների մասին Եվրասիական միջկառավարական խորհուրդը նախատեսում է տեղեկացնել 2026 թվականի առաջին կիսամյակին»,- ասել է Եվրասիական տնտեսական հանձնաժողովի տեխնիկական կարգավորման նախարար Վալենտին Տատարիցկին։

Խորհրդատվական կոմիտեի անդամները քննարկել են անդամ պետությունների համար մինչև 2030թ. համատեղ գործողությունների նոր ծրագիրը, որի նախագիծը հաջորդ տարի կներկայացվի կառավարությունների ղեկավարների հաստատմանը։

ԵՏՀ նախարարն ընդգծել է, որ ծրագիրը նախատեսում է հասարակական կազմակերպությունների և բիզնեսի ակտիվ մասնակցություն, ինչը, ըստ նրա, կապահովի սպառողական շուկայի զարգացման համապարփակ և հավասարակշռված մոտեցում։

Հանդիպման մասնակիցները հաստատել են արդյունաբերական համագործակցության հետագա ընդլայնման անհրաժեշտությունը, համաձայնեցրել սպառողների պաշտպանության միջոցառումների թեմաները 2026թ.ին, ինչպես նաև՝ վերանայել Բելառուսի հակամենաշնորհային կարգավորման և առևտրի նախարարության նախաձեռնությունը՝ սահմանափակելու «անպարկեշտ լեզվի և անբարոյական պատկերների» օգտագործումը ապրանքների վրա և վաճառքի կետերում։

Նշենք, որ Միության անդամ պետությունների սպառողների իրավունքների պաշտպանության խորհրդատվական կոմիտեն ստեղծվել է Հանձնաժողովի կոլեգիայի ներքո՝ անդամ պետությունների կողմից այս ոլորտում համաձայնեցված քաղաքականության իրականացման վերաբերյալ առաջարկություններ, հանձնարարականներ պատրաստելու և խորհրդակցություններ անցկացնելու համար։

Խորհրդատվական կոմիտեի կազմում ընդգրկված են ԵԱՏՄ երկրների պետական ​​մարմինների, բիզնեսի, գիտական ​​կազմակերպությունների և հասարակական կազմակերպությունների ներկայացուցիչներ։

Խորհրդատվական կոմիտեի նախագահը ԵՏՄ տեխնիկական կարգավորման նախարար Վալենտին Տատարիցկին է։

Сообщение Մինչև 2030թ. ԵԱՏՄ-ում կձևավորվի սպառողների պաշտպանության միասնական քաղաքականություն появились сначала на anvtangsnund.am.